4 ކްލަބަކުން ސޮއި ނެގި ކަމަށްބުނެ އެފްއޭއެމްއިން ހެދީ ދޮގު ކަމަށް ޔޫތު މިނިސްޓަރު އަހުމަދު މަހްލޫފް ވިދާޅުވެއްޖެއެވެ.
މިކަމާއި ގުޅުވައިގެން މިއަދު މަހްލޫފް ކުރެއްވި ޓްވީޓްގައި ވަނީ ރަސްމީކޮށް ބަޔާން ނެރެ އަދި އެފްއޭއެމްގެ އޮފިޝަލް ޓްވިޓާ އެކައުންޓުން ޓްވީޓް ކޮށްފައިވާކަމީ ކްލަބްތަކަށް އަދި ރައްޔިތުންނަށް އޮޅުވާލުމަށް ހިންގި ނާތަހުޒީބު އަމަލެއް ކަމަށެވެ.
4 Club akun soe negikamah bune FAM inn hedhee dhogu. Rasmeekoh bayaan neri adhi FAM ge official twitter account inn tweet koffaivaakamee club thakah adhi rayyithunnah olhuvaalumah hingi naathahuzeebu amaleh. Victory SC inn mikan balanjehey. https://t.co/cUyxNgoaws
— Ahmed Mahloof (@AhmedMahloof) February 19, 2019
ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ އެކްސްޓްރާ އޯޑިނަރީ ކޮންގްރެސްއެއް ބާއްވަން ވިކްޓްރީ ސްޕޯޓްސް ކްލަބުން ހުށަހެޅި ސިޓީގައި ސޮއިކުރި ހަތަރު ކްލަބެއް ސޮއި އަނބުރާ ނެގި ކަމަށް އެ އިދާރާއިން ބުނި ނަމަވެސް، ވޯޓު ލުމުގެ ހައްގު ލިބިގެންވާ 12 ކްލަބުންވެސް ސޮއި އަނބުރާ ނުގެންދާކަން އެނޫހަށް ކަށަވަރުވެފައިވާ ކަމަށް ރާއްޖެއެމްވީ އިން ވަނީ ރިޕޯޓްކޮށްފައެވެ. މި މައުލޫމާތު ހޯދާފައިވަނީ ކްލަބްތަކަށް ގުޅައިގެން ކަމަށް ވެސް އެ ނޫހުގައި ރިޕޯޓް ކޮށްފައިވެއެވެ.
މަހްލޫފްގެ ޓްވީޓްގައި އެ ބޭފުޅާވަނީ ވިކްޓްރީ ސްޕޯޓްސް ކްލަބްއިން މިކަން ބަލަންޖެހޭ ކަމަށް ވިދާޅުވެފައެވެ.