ސިވިލް ކޯޓުގެ ގާޒީ އަބްދުﷲ ޖަމީލް މޫސާ މިއަދު މަގާމުން އިސްތިއުފާ ދެއްވައިފި އެވެ.
ސިވިލް ކޯޓުގެ ޑިސްޕިއުޓް ރިޒޮލިއުޝަން ސެކްޝަނުގައި މަސައްކަތް ކުރައްވަމުން ގެންދެވި ޖަމީލް އިސްތިއުފާ ދެއްވި ސަބަބެއް އަދި ސާފުވެފައެއް ނުވެއެވެ.
ސިވިލް ކޯޓުގައި އަހަރުތަކެއް ވަންދެން މަސައްކަތް ކުރެއްވުމަށް ފަހު ޖަމީލް ވަނީ ހައި ކޯޓުގެ ފަނޑިޔާރެއްގެ މަގާމަކަށް ވެސް ކުރިމަތިލައްވައިފަ އެވެ. ނަމަވެސް އެ ފަހަރު ހޮވިވަޑައިގެންފައެއް ނުވެ އެވެ. ސިވިލް ކޯޓަށް ވަޑައިގެންނެވުމަށް ފަހު ޖަމީލް ވަނީ އެ ކޯޓުގެ ބައެއް ބޮޑެތި މައްސަލަތައް ބައްލަވައިފަ އެވެ.
15 ފަނޑިޔާރުން ތޔިއްބެވި ސިވިލް ކޯޓުގެ ފަނޑިޔާރު ކަމުން ޖަމީލް އިސްތިއުފާ ދެއްވުމުން ސިވިލް ކޯޓުގައި މިހާރު ތިއްބަވާނީ 14 ފަނޑިޔާރުންނެވެ.