ސްރީ ލަންކާގެ އައިސީސީން ހަދާ އައްޑޫގެ ތިން ރަށުގެ ބޮޑު މަގުގެ މަސައްކަތް ކުރިއަށް އޮތް މަހެއްހާ ދުވަހުގެ ތެރޭގައި ނިންމާލެވޭނެ ކަމަށް އެ ކުންފުނިން ބުނެފި އެވެ.
އައިސީސީގެ އޮފިޝަލަކު ވިދާޅުވީ މިހާރު ކުރިއަށް ދަނީ ތާރު އެޅުމުގެ މަސައްކަތް ކަމަށެވެ. އެގޮތުން މަރަދޫގައި ތާރު އަޅައި ނިންމުމަށް ފަހު، މަރަދޫފޭދޫގެ ފަހުގެ މަސައްކަތް ކުރިއަށްދާ ކަމަށް އެ ކުންފުނިން ބުންޏެވެ. ދެން ބާކީ އޮތީ ފޭދޫގައި ތާރު އެޅުމެވެ.
ަެަެަެއެހެންވެ މިހާރު މަސައްކަތް ގޮސްފައިވާ ހިސާބަށް ބަލާ އިރު، ތާރު އެޅުމުގެ 95 ޕަަސެންޓް ނިމިފައިވާ ކަމަށް އައިސީސީން ބުންޏެވެ.
މަރަދު އާއި މަރަދޫފޭދޫ އަދި ފޭދޫގެ ބޮޑު މަގު ހެދުމުގެ މަސައްކަތް އައިސީސީން ފެށީ މިދިޔަ އަހަރުގެ ސެޕްޓެމްބަރު މަހުގެ 18 ވަނަ ދުވަހު އެވެ. މި ޕްރޮޖެކްޓަކީ ލަންކާ ސަރުކާރުގެ 11 މިލިއަން ޑޮލަރުގެ ހިލޭ މަޝްރޫއެކެވެ.
އައްޑޫ ސިޓީ ކައުންސިލުން ބުނީ ތިން ރަށުގެ މަސައްކަތް ކުރިއަށްދާ ގޮތާ ދޭތެރޭ ވަރަށް ބޮޑަށް ހިތްހަމަޖެހޭ ކަމަށެވެ. އަދި މަގު ހަދައި ނިމޭ އިރު، ފެންވަރު ރަނގަޅު، ރީތި މަގުތަކެއް ހުންނާނެ ކަމަށް ވެސް ކައުންސިލުން ބުންޏެވެ.