މަޝްހޫރު ލަވަކިޔުންތެރިޔާ އެލްޓަން ޖޯންގެ ދިރިއުޅުމުގެ މައްޗަށް ބިނާކޮށް އުފައްދާފައިވާ ބައޮޕިކް، "ރޮކެޓްމޭން"ގެ ފުރަތަމަ ފުލް ޓްރެއިލާ ދައްކާލައިފި އެވެ.
މި ފިލްމުން ފެނިގެންދާނީ ޕިއާނޯ ކުޅުންތެރިޔާ ރެޖިނަލްޑް ޑްވައިޓް، 1960ގެ އަހަރުތަކުގެ ފަހުކޮޅު އަދި 1970ގެ އަހަރުތަކުގެ ކުރީކޮޅު ބައިނަލްއަޤްވާމީ ޕޮޕް އައިކަން އަކަށް ވެގެންދިޔަ ގޮތުގެ ވާހަކައެވެ. މި ފިލްމްގައި އެލްޓަން ދެ ލަވަ ކަމުގައިވާ "ބެނީ އެންޑް ދަ ޖެޓްސް" އާއި "ޓައިނީ ޑާންސާ" ފެނިގެންދާނެ އެވެ.
މި ފިލްމްގެ ލީޑްގައި އެލްޓަންގެ ރޯލުން ފެނިގެންދާނީ "ކިންގްސްމޭން" ފިލްމް ފްރެންޗައިޒްގައި އެގްސީ އަންވިންގެ ރޯލުން ފެނިގެންދިޔަ ތަރޮން އެޖާޓަން އެވެ.
ޑެކްސްޓާ ފްލެޗަރ ޑައިރެކްޓްކޮށްފައިވާ މި ފިލްމުން ޖޭމީ ބެލް އާއި ރިޗާޑް މެޑެންގެ އިތުރުން ބްރައިސް ޑެލަސް ހަވާޑް ވެެސް ފެނިގެންދާނެ އެވެ. ޖޭމީ ބެލް ކުޅޭނީ އެލްޓަންގެ ލިރިސިސްޓް އަދި ޕާޓްނަރ ބާނީ ޓޯޕިންގެ ރޯލެވެ. އަދި އެލްޓަންގެ ފުރަތަމަ މެނޭޖަރުގެ ރޯލުން ރިޗާޑް ފެނިގެންދާއިރު، ބްރައިސް ޑެލަސް ހަވާޑް ކުޅޭނީ އެލްޓަންގެ މަންމަގެ ރޯލެވެ.
"ރޮކެޓްމޭން" ރިލީޒްކުރުމަށް ހަމަޖެހިފައި ވަނީ އަންނަ މެއި މަހުގެ 31 ވަނަ ދުވަހު އެވެ.