ކުޑަރިކިލު ކައުންސިލް އިދާރާގެ މާލީ ޒިންމާދާރުވެރިޔާ ސަސްޕެންޑްކޮށްފި އެވެ.
މަޢުލޫމާތު ލިބިފައިވާ ގޮތުގައި އޭނާ ސަސްޕެންޑު ކޮށްފައިވަނީ ކުޑަރިކިލު ކައުންސިލް އިދާރާއިން ތިން ލައްކައަށް ވުރެ ގިނަ ރުފިޔާ ގެއްލުނު މައްސަލާއި ގުޅިގެން ނެއެވެ.
ފައިސާ ގެއްލިފައިވާކަން ހާމަވެފައިވަނީ މިމަހުގެ 17 ވަނަ ދުވަހު އޮޑިޓް އޮފީހުން ކުރި އޮޑިޓާއި ގުޅިގެންނެވެ. އެގޮތުން ކައުންސިލްގެ ތިޖޫރީންނާ ކައުންސިލްގެ ނަމުގައި ބެންކް އޮފް މޯލްޑިވްސްގައި ހުޅުވާފައިވާ އެކައުންޓަކުން ފައިސާ ގެއްލިފައިވާ ކަން ވަނީ ހާމަވެފައެެވެ. ވެ
އޮޑިޓް އޮފީހުން ބުނީ ފައިސާ މަދުކަން ފާހަގަވެގެން ތުހުމަތުކުރެވޭ ފަރާތާއި ސުވާލުކުރުމުން ފައިސާ ނެގި ކަމަށް އިއުތިރާފްވެފައިވާ ކަމަށާއި ކުޑަރިކިލު ކައުންސިލްގެ ރައީސާއި ފައިނޭންސް އޮފިސަރުގެ ސޮއި އަމިއްލައަށް ކުރި ކަމަށްވެސް އިއުތިރާފްވެފައި ކަމަށެވެ.
މި މައްސަލަ ފުލުހަށް ހުށަހަޅައިގެން ކުރިއަށްދާކަމަށް ކައުންސިލުން ބުނެއެވެ.