އައްޑޫ ސިޓީގައި 14 ފެތުންތެރިން ހޮވައިގެން ސްވިމިން ސްކޮޑެއް އެކުލަވާލައިފިއެވެ.
ފެތުންތެރިންގެ ޖަމިއްޔާ، ސްވިމިން އެސޯސިއޭޝަނުން ބުނީ މި ސްކޮޑަކީ މިމަހުގެ 9 ވަނަ ދުވަހު ބޭއްވި ޓްރަޔަލް ނަތީޖާއަށް ބިނާކޮށް ކަމަށެވެ. ހޮވާފައިވަނީ އަށް ފިރިހެން ފެތުންތެރިންނާއި 6 އަންހެން ފެތުންތެރިންނެވެ.
މި ސްކޮޑުގެ ފަރިތަކުރުންތައް ކައިރި މުސްތަގުބަލެއްގައި ފެށުމަށް ތައްޔާރުވަމުން އަންނައިރު ފެތުމަކީ ރާއްޖޭގެ ސްކޫލް ކުދިންނާއި ފުރާވަރުގެ ކުދިންގެ މެދުގައި މަގުބޫލު ކުޅިވަރަކަށް ވަނީ ވެފައެވެ.
އައްޑޫ ސިޓީގައި ފަތާ ޓްރެކެއް ހިތަދޫ އަދި މަރަދޫގައި އެޅިފައިވާއިރު ފެތުމުން ކުރިއަށް ދިއުމުގެ މަގު މި ސިޓީގައި ފަހިވެފައިވާ ކަމަށް ފެތުންތެރިންގެ ޖަމިއްޔާއިން ދެކެއެވެ.