ގަވާއިދާއި ހިލާފަށް ޕާކު ކުރާ އުޅަނދުތަކުގެ ސަބަބުން މަގު ބޭނުންކުރާ އެހެން ފަރާތްތަކަށް ދަތިވާ ގޮތަށް ޕާކު ކުރާ އުޅަނދު ތަކުގައި މިއަދުން ފެށިގެން ސްޓިކާ ޖަހަން ފަށާފައިވާ ކަމަށް ފުލުހުން ބުނެފިއެވެ.
ފުލުހުން ބުނެފައިވަނީ މިގޮތަށް ޢަމަލު ކުރަން ފަށާފައިވަނީ އެކަމުގެ ސަބަބުން ދަތި ތަކާއި ކުރިމަތިވެ، އެކަމުގެ ޝަކުވާ އިތުރުވަމުންދާތީ ކަމަށެވެ.
އެގޮތުން މިއަދުން ފެށިގެން، ފާހަގަކުރާ ބައެއް ތަންތަނުގައި ގަވާއިދާ ހިލާފަށް ޕާކު ކުރާ އުޅަނދުތަކުގައި ޕާކިން ވަޔޮލޭޝަން ސްޓިކާ ޖަހަމުންދާނެ ކަމަށް ފުލުހުން ބުނެއެވެ.
ފުލުހުން ޕާކިސް ވަޔޮލޭޝަން ސްޓިކާ ޖަހަމުންދާނެ ކަމުގައި ބުނެފައިވައިވާ ތަންތަނަކީ :
1. މިސްކިތް ތައް ކައިރި
2. ކަފިހި ހުރަސް (ދުވާރު )
3. މަގު ( ގޯޅި ތަކުގެ ކަންމަތި )
4. ސްކޫލު ތައް ކައިރި
5. ހޮސްޕިޓަލް ތައް ކައިރި
6. ބެންކު ތައް ކައިރި
7. ބޮޑު ތަކުރުފާނު މަގުގެ ތާރު އަޅާފައިވާ ސަރަޙައްދު ސަރަހައްދު
8. ފުލުހުންގެ ކޯން ( ބެރިކޭޓް ބެހެއްޓިފައިވާ ސަރަޙައްދު )
9. ޑަބަލް ލައިން ދަމާފައިވާ ސަރަޙައްދު