އަންހެނުންގެ ދުވަސް ފާހަގަކުރުމުގެ ގޮތުން އައްޑޫގައި ފެސްޓިވަލެއް ބާއްވަން ނިއްމައިފިއެވެ.
އައްޑޫ އަންހެނުންގެ ތަރައްގީއަށް މަސައްކަތްކުރާ ކޮމެޓީ (ޑަބްލިޔުޑީސީ)އިން ބުނީ އަންހެނުންގެ ދުވަސް ފާހަގަކުރުމުގެ ގޮތުން 'ދިޔެގެ ހަވި' ނަމުގައި ފެސްޓިވަލް އެއްބޭއްވުމަށް ނިންމާފައިވާ ކަމަށެވެ.
ފެސްޓިވަލް އާއި ބެހޭ ގޮތުން އަންހެނުންގެ ތަރައްޤީ އަށް މަސައްކަތްކުރާ ކޮމެޓީގެ ރައީސާ އައިޝަތު ނަދާ ވިދާޅުވީ މިއީ އަންހެނުން ކުރާ މަސައްކަތްތައް އެއްތަނަކުން ދައްކާލުމާއެކު، ކަނބަލުންގެ މަސައްކަތަށް ރަނގަޅު މާކެޓް ހޯދައިދިނުމުގެ ގޮތުން ބާއްވާ ހަރަކާތެއް ކަމަށެވެ.
" އަޅުގަނޑުމެން އެދެނީ ކަބަލުންގެ ވިޔަފާރި އާއި މަސައްކަތް ދައްކާލުމަށް މި ފުރުސަތުގެ ބޭނުން ހިފުމަށް" ނަދާ ބުންޏެވެ.
މިފެސްޓިވަލް ކުރިއަށް ގެންދިއުމަށް ހަމަޖެހިފައިވަނީ މާޗް މަހުގެ 8 ވަނަ ދުވަހު1 14:00 އިން 16:00 އަށް މަރަދޫ އަދި ހުޅުމީދޫގައެވެެ.
އެކި ސްޓޯލްތަކަށް ބަހާލައިގެން ކުރިއަށް ގެންދާ މި ފެސްޓިވަލްގައި މޭކަޕްކުރުމާއި، ހީނާފަތް އެޅުމާއި، ޒުންބާ ހަރަކާތްތަކާއި، ސިއްހަތާއި ގުޅޭ އެކި އެކި ކަންކަމާއި ބެހޭ ގޮތުން މައުލޫމާތު ދިނުމުގެ އިތުރުން ގަސް އިންދުމާއި ގުޅުން ހުރި މައުލޫމާތު ދިނުމާއި ތަކެތި ވިއްކުން ފަދަ ކަންކަން ކުރިއަށް ގެންދިއުމަށް ނިންމާފައިވާ ކަމަށް(ޑަބްލިޔުޑީސީ) މަޢުލޫމާތު ދެއެވެ.
މި ފެސްޓިވަލް ސްޓޯލްތައް ނެގުމަށް ޝައުގުވެރިވާ ފަރާތްތަކަށް އެ ފުރުސަތު ވަނީ ހުޅުވާލާފައި ކަމަށް ޑަބްލިޔުޑީސީއިން ބުނެއެވެ. ސްޓޯލެއްގެ އަގަކީ 200 ރުފިޔާއެވެ.
މި ފެސްޓިވަލްގައި ބައިވެރިވުމަށާއި އިތުރު މައުލޫމާތު ހޯދުމަށް 7942014، 9189287 މި ނަމްބަރަށް ގުޅުމަށް ޑަބްލިޔުޑީސީން އެދެއެވެ.