އެމްޑީޕީ ކެންޑިޑޭޓުންނަށް ވޯޓުދީ ގައުމު ސަލާމަތްކޮށްދެއްވުމަށް އައްޑޫ މީދޫ ދާއިރާގެ މެންބަރު ރޮޒެއިނާ އާދަމް އެދިވަޑައިގެންފިއެވެ.
މިކަމަށް އެދިވަޑައިގެން އެ ކަމަނާ ކުރެއްވި ޓްވީޓްގައި ވަނީ މިއަދުގެ މަޖިލީހަށް އިޝާރާތްކުރައްވާ، މިނިވަން މުއައްސަސާ ކޮމިޓީ ޚިލާފަށް ކޮމިޝަންތަކާއިބެހޭ ބިލް އަނބުރާ ކޮމިޓީއަށް ފޮނުވަން ރާވައިގެން އެންމެން މަޖިލީހަށް ވަދެ އެބަތިއްބެވި ކަމަށް ވަނީ ވިދާޅުވެފައެވެ.
Minivan muassasa Committee hilaalaafa, commission thakaa behey bill anbura committee ah fonuvan raavaigen enmen vadhe eba thi. Thimaa ah thimaa hurevey than neygey hisaabah dhiyaima dhen evves kameh rangalheh nuvaane. MDP candidatunnah vote dhevva qaumu salaamaiy kohdhevva. pic.twitter.com/lpCvf91ZM5
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) February 27, 2019
މި ޓްވީޓްގައި ރޮޒެއިނާ ވަނީ ތިމާއަށް ތިމާ ހުރެވޭތަން ނޭނގޭ ހިސާބަށް ދިޔައިމަ ދެން އެއްވެސް ކަމެއް ރަނގަޅެއް ނުވާނެ ކަމަށް ވިދާޅުވެފައެވެ.[
ރޮޒެއިނާ މިފަދައިން ވިދާޅުވެފައިވާއިރު ދައުލަތުގެ ފައިސާ އާއި މުދަލަށް ހިޔާނާތްތެރިވުމުގެ މައްސަލަތައް ބެލުމަށް އުފައްދާފައިވާ ކޮމިޝަނާއި ގޮތް ނޭނގޭ މަރުތަކުގެ މައްސަލަތައް ބެލުމަށް އުފައްދާފައިވާ ކޮމިޝަނަށް ބާރު ދޭ ބިލު މަޖިލީހުގެ މިނިވަން މުއައްސަސާތަކާ ބެހޭ ކޮމިޓީ އަށް އަނބުރާ ފޮނުވާލަން މަޖިލީހުގެ ރައީސް ގާސިމް އިބްރާހިމް ވަނީ މިއަދުގެ މަޖިލީހުގައި ނިންމަވާފައެވެ.
ފާއިތުވި ތިން ޖަލްސާއެކޭ އެއްގޮތަށް މިއަދުގެ ޖަލްސާގައި ވެސް މި ބިލަށް ވޯޓަށް އެހުމަށް މިއަދު ވެސް އެޖެންޑާ ކުރެވުނެވެ.
ނަމަވެސް މި ބިލަށް ވޯޓަށް އެހުމަށް ތައްޔާރުވެފައި ވަނިކޮށް ގާސިމް ވަނީ އެ ބިލު މިހާރު އޮތީ ރައްޔިތުންގެ މަޖިލީހުގެ މަޖިލީހުގެ މިނިވަން މުއައްސަސާތަކާބެހޭ ކޮމެޓީން ނިންމި ގޮތަށް ނޫންކަމަށް އެ ކޮމިޓީގައި ހިމެނިވަޑައިގަންނަވާ ހަ މެމްބަރަކު ވިދާޅުވެފައިވާ ކަމަށާއި އެހެންކަމުން އެ މައްސަލަ އަލުން ބެލުމަށް އެ ކޮމިޓީ އަށް ފޮނުވުމަށް ނިންމާފައިވާ ކަމަށް ވިދާޅުވެފައެވެ.