ގއ. ވިލިނގިލި ކައިރީގައި އޮތް ސަފާރީ އަކުން ޑައިވިނަށް ފޭބި ފަތުރުވެރިޔަކު މަރުވެއްޖެއެވެ.
ފުލުހުން ވިދާޅުވީ މި ހާދިސާގައި މަރުވެފައިވަނީ އުމުރުން 50 އަހަރުގެ ޗައިނާގެ ފިރިހެނެއް ކަމަށެވެ. މި ހާދިސާ ހިނގުމާ ގުޅިގެން އިތުރު ފަރުވާ އަށް އޭނާ ގއ.ހޮސްޕިޓަލަށް ގެންދެވުނު ކަމަށާއި ނަމަވެސް ހޮސްޕިޓަލަށް ގެންދިޔައިރު ވެސް އޭނާ މަރުވެފައިވާ ކަމަށް ފުލުހުން ވިދާޅުވިއެވެ.
ގެނބިގެން ފަތުރުވެރިން މަރުވާ ހާދިސާތަށް މިފަހަކަށް އައިސް ރާއްޖޭގައި އަންނަނީ އިތުރުވަމުންނެވެ.
އެގޮތުން މީގެ ތިން ދުވަސް ކުރިން، އއ. ކުރަމަތި އައިލެންޑް ރިސޯޓުގައި ވެސް ފަތުރުވެރިއަކު ވަނީ ގެނބިގެން މަރުވެފައެވެ. އެ ހާދިސާގައި މަރުވީ 60 އަހަރުގެ ޖަރުމަނު އަންހެނެކެވެ.