މާވެލް ކޮމިކްސްގެ އެކްސް-މެންގެ ކެރެކްޓާތަކަށް ބިނާކޮށް އުފައްދާފައިވާ ސުޕާހީރޯ ފިލްމް، "އެކްސް-މެން: ޑާކް ފީނިކްސް"ގެ ދެވަނަ ޓްރެއިލާ ދައްކާލައިފި އެވެ.
އެ ޓްރެއިލާ އިން ފެނިގެންދާ ގޮތުގައި ޖީން ގްރޭ (ސޯފީ ޓާނަރ) އަކީ މިހާތަނަށް އެކްސް-މެން އާއި ކުރިމަތިވާ އެންމެ ނުރައްކާތެރި އަދި ބާރުގަދަ ވިލަން އެވެ.
"އެކްސް-މެން: އެޕޮކެލިޕްސް" ގައި ހިނގި ކަންތައްތަކުގެ 10 އަހަރު ފަހުން ސެޓް ކޮށްފައިވާ މި ފިލްމަކީ އެކްސް-މެން ފްރެންޗައިޒްގެ ހަތަރުވަނަ ފިލްމެވެ. މި ފިލްމްގައި ފެނިގެންދާނީ އޮރިޖިނަލް ކެރެކްޓާތަކުގެ ޒުވާން ވާޝަންތަކެވެ.
މި ފިލްމް ޑައިރެކްޓްކޮށްފައި ވަނީ މީގެ ކުރިންވެސް އެކްސް-މެން ފިލްމްތައް ލިޔެ، ޕްރޮޑިއުސްކޮށްފައިވާ ސައިމަން ކިންބާގް އެވެ. މިއީ ކިންބާގް ޑައިރެކްޓްކުރާ ފުރަތަމަ ފިލްމެވެ.