ނީލް މާޝެލްގެ "ހެލްބޯއި"ގެ ފުރަތަމަ ޓްރެއިލާ މިދިޔަ ޑިސެމްބަރ މަހު ރިލީޒްކޮށްފައިވާއިރު، ޓައިޓަލް ރޯލުން "ސްޓްރޭންޖަރ ތިންގްސް"ގެ ޑޭވިޑް ހާބަރ ވަނީ ތަޢާރަފްވެގެން ގޮސްފައެވެ.
ނަމަވެސް އަލަށް ރިލީޒްކުރި ޓްރެއިލާއިން ނިމިއުގެ ރޯލުން ފެނިގެންދާ މިލާ ޖޮވޮވިޗްގެ ބައި ވަރަށް ބޮޑަށް ފެނިގެންދާއިރު، އިތުރު މޮންސްޓާތައް ވެސް ފެނިގެންދެ އެވެ. ގިނަ ފޭނުންނަށް ފުރަތަމަ ޓްރެއިލާ އަށްވުރެ މި ޓްރެއިލާ މާބޮޑަށް ކަމުދާ ކަމަށް ރިޕޯޓްތައް ބުނެއެވެ.
މި ފިލްމަކީ ހެލްބޯއީ ފިލްމް ސީރީސްގެ ރީބޫޓް އެކެވެ.
ކުރިން ރިލީޒްކުރި ފިލްމްތަކަށްވުރެ މި ފިލްމްގައި ކޮމެޑީގެ ބައި ބޮޑެވައި، އާރް ރޭޓެޑް ސީންތަކާއި އެހެން ދުނިޔެތަކުން އަންނަ މޮންސްޓާސްގެ އިތުރުން އިންސާނިއްޔަތާއި ދެކޮޅަށް ބަދަލު ހިފަން ބޭނުންވާ ރާނީއެއް ފެނިގެންދާނެ އެވެ.
މީގެ ކުރިން މިދިޔަ ޖެނުއަރީ މަހުގެ 11 ވަނަ ދުވަހު ރިލީޒްކުރުމަށް ޝެޑިއުލްކޮށްފައި އޮތް މި ފިލްމް މިހާރު ރިލީޒްކުރާނީ އަންނަ އަހަރުގެ އޭޕްރީލް މަހުގެ 12 ވަނަ ދުވަހު އެވެ.