ހުޅުމާލޭގައި އިމާރާތްކުރަމުން ދިޔަ ޓަވަރަކުން ވެއްޓި ޗައިނާ ރައްޔިތަކު މަރުވެއްޖެއެވެ.
ހުޅުމާލެ ފޭސް 2 ގައި ހަދަމުން ދިޔަ އިމާރާތެއްގައި މަސައްކަތް ކުރަމުން ދިޔަ އެ މީހާ ވެއްޓިފައިވަނީ އެ އިމާރާތުގެ 9 ވަނަ ފަންގިފިލާ އިންނެވެ. 9 ވަނަ ފަންގިފިލާއިން ވެއްޓި 2 ވަނަ ފަންގިފިލާގައި ޖެހި އޭނާ ވަނީ ވަގުތުން މަރުވެފައި ކަމަށް މައުލޫމާތު ލިބިފައިވެއެވެ.
އެމީހާގެ ހަށިގަނޑު މިހާރު ހޮސްޕިޓަލަށް ވަނީ ގެންގޮސްފައެވެ. މިމައްސަލަ މިހާރު ފުލުހުން ތަހުގީގު ކުރަމުން އައި ނަމަވެސް އިތުރު ތަފްސީލެއް ދީފައެއް ނުވެއެވެ.