މަޝްހޫރު ލަވަކިޔުންތެރިޔާ ރަޔާން އެޑަމްސް، އޭނާގެ ކުރިއަށް އޮތް ޔޫކޭ އަދި އަޔަލޭންޑް ޓުއާ ކެންސަލްކޮށްފި އެވެ.
އޭނާ އާއި ދެކޮޅަށް ޖިންސީ ފުރައްސާރައިގެ ތުހުމަތުތައް ކުރުމާއި ގުޅިގެން ޖުމްލަ ނުވަ ތާރީޚެއްގެ ޓުއާ ވަނީ ކެންސަލްކޮށްފަ އެވެ. އޭގެ ތެރޭގައި ލަންޑަންގެ ރޯޔަލް އެލްބާޓް ހޯލްގައި ބާއްވަން ހަމަޖެހިފައި އޮތް ދެ ޝޯ ވެސް ހިމެނެއެވެ.
ގިނަ އަދަދެއްގެ ފޭނުން ވަނީ ރަޔާން އަށް އިތުރަށް ސަޕޯޓް ނުކުރެވޭނެ ކަމަށް ބުނެ، ރީފަންޑް ހޯދާފައެވެ.
ޓިކެޓްމާސްޓަރ އިން މި ޚަބަރު އިއުލާންކޮށް ކުރި ޓްވީޓެއްގައި ބުނެފައި ވަނީ އަންނަ ހޯމަ ދުވަހުގެ ނިޔަލަށް ހުރިހާ ޓިކެޓްތަކުގެ ފުލް ރީފަންޑް ޕްރޮސެސްކޮށް ނިމޭނެ ކަމަށެވެ.
މީގެ ދެ ހަފްތާ ކުރިން "ނިއު ޔޯކް ޓައިްމްސް" އިން ވަނީ ފުރާވަރުގެ އަންހެން ކުއްޖަކަށް ރަޔާން ނުރަނގަޅު މެސެޖުތަކެއް ކުރި ކަމަށް ތުހުމަތުކޮށް ރިޕޯޓެއް ލިޔެފައެވެ.
އެހެންނަމަވެސް ރަޔާންގެ ޤާނޫނީ ވަކީލު ބުނީ ކުޑަކުައްޖަކާއެކު އެފަދަ އެއްވެސް މުއާސަލާތެއް ކުރިކަމަށް ބުނާ ތުހުމަތުތަކަށް އޭނާ އިންކާރުކުރާ ކަމަށެވެ.
އެފްބީއައި އިން ބުނީ ރަޔާން އެކުއްޖާ އަށް މެސެޖުކުރީ އޭނާގެ އުމުރު އެނގިހުރެތޯ ދެނެގަތުމަށްޓަކައި އެ މެސެޖުތައް ތަޙުޤީޤުކުރާނެ ކަމަށެވެ.