ޑީސީ އެކްސްޓެންޑެޑް ޔުނިވާސްގެ ހަތްވަނަ ފިލްމް ކަމުގައިވާ "ޝަޒަމް!"ގެ މުޅިން އާ ޓްރެއިލާއެއް އަންނަ ހޯމަ ދުވަހު ރިލީޒްކުރުމަށް ނިންމައިފި އެވެ.
ފިލްމްގެ ޑައިރެކްޓަރ ޑޭވިޑް އެފް. ސޭންޑްބާގް މިއަދު ކުރި ޓްވީޓެއްގައި ބުނެފައި ވަނީ އެ ފިލްމްގެ އާ ޓްރެއިލާ ހޯމަ ދުވަހު ނެރޭނެ ކަމަށެވެ.
Upload in progress… Trailer Monday. #SHAZAM pic.twitter.com/JV4uOvaICF
— David F. Sandberg (@ponysmasher) March 1, 2019
"ޝަޒަމް!" އަކީ ބިލީ ނަމަކަށް ކިޔާ އުމުރުން 14 އަހަރުގެ ފިރިހެން ކުއްޖަކު، "ޝަޒަމް!" އޭ ބުނުމުން ބޮޑު ސުޕާހީރޯ އަކަށް ބަދަލުވާ ވާހަކަ ދައްކުވައިދޭ ފިލްމެކެވެ. މި ފިލްމަކީ ޑީސީގެ އެހެން ފިލްމްތަކާއި އަޅާބަލާއިރު ކޮމެޑީގެ ބައި ބޮޑު ފިލްމެކެވެ.
މި ފިލްމްގެ ފުރަތަމަ ޓްރެއިލާ މިދިޔަ ޖުލައި މަހު ނެރެފައިވާއިރު، އެ ޓްރެއިލާ ވަނީ ގިނަ ބައެއްގެ މަޤްބޫލްކަން ހޯދާފައެވެ. އެއަށްފަހު ފޭނުންދަނީ ކެތްމަދުކަމާއެކު ދެވަނަ ޓްރެއިލާއެއް ރިލީޒްކުރާނެ ތާރީޚަކާމެދު ސުވާލުކުރަމުންނެވެ.
"ޝަޒަމް!" ރިލީޒްކުރުމަށް ހަމަޖެހިފައި ވަނީ އަންނަ އޭޕްރީލް މަހުގެ ފަސްވަނަ ދުވަހު އެވެ.