ސ. ގަމުން ޙައްޖަށާއި ޢުމްރާ އަށްދާ ފަރާތްތަކަށް ވަރަށް ޚާއްސަ ޕްރޮމޯޝަނެއް ސްރީލަންކަން އެއާލައިންސްގެ ފަރާތުން ފަށައިފިއެވެ.
ސްރީލަންކަން އިން ބުނީ އެ ޚާއްސަ ޕްރޮމޯޝަންގެ ދަށުން ދަތުރުކުރާ ފަރާތްތަކަށް ފަސޭހަކުރުމުގެ ގޮތުން ދެކޮޅު ދަތުރުގައި ވެސް ކޮލޮމްބޯގައި ޓްރާންސިޓްގައި ހޭދަކުރާ ވަގުތު ކުޑަވާނެ ކަމަށެވެ. އަދި އެ ފަރާތްތަކަށް 40 ކިލޯގެ ބެގެޖް އެލަވެންސެއް ލިބޭނެ ކަމަށެވެ. އާންމު އުސޫލުން ސްރީލަންކަން އެއާލައިންސްގެ އިކޮނޮމިކް ކްލާސް ޓިކެޓްގެ ބެގެޖް އެލަވަންސް އަކީ 30 ކިލޯގްރާމެވެ.
މި ޕްރޮމޯޝަންގެ ދަށުން ގަމުން ދަތުކުރާ ފަރާތްތަކަށް ދެކޮޅު ޓިކެޓް 793 ޑޮލަރަށް ލިބޭނެ އެވެ.
މީގެ އިތުރުން ނޭޕާލްގެ ވެރިރަށް ކަތުމަންޑޫ އަށް ދަތުރުކުރާ ފަރާތްތަކަށް އަމާޒުކޮށްގެން ވެސް ސްރީލަންކަން އިން ވަނީ ޕްރޮމޯޝަނެއް ފަށައިފައެވެ.
އެގޮތުން ގަމުން ދަތުރުކުރާ ފަރާތްތަކަށް މިހާރު ދަތުރު ފަށާ ދުވަހު ކަތުމަންޑޫ އަށް ދެވޭނެ ކަމަށް އެ އެއާލައިނުން ބުނެއެވެ. އަދި ގަމުން ކަތުމަންޑޫ އަށް އެއްކޮޅު ޓިކެޓް 345 ޑޮލަރަށް އަދި ދެކޮޅު ޓިކެޓް 684 ޑޮލަރަށް ލިބޭނެ ކަމަށާއި، ޓިކެޓުގެ އަގުގައި ކަތުމަންޑޫ އިން ގަމަށް އަންނައިރު ޓްރާންސިޓް އެކޮމޮޑޭޝަން އަދި މީލްތަކުގެ އަގު ހިމެނިފައިވާ ކަމަށް ސްރީލަންކަން އިން ބުނެއެވެ.
ސްރީލަންކަންގެ މި ޕްރޮމޯޝަންތަކާއި ގުޅޭ މައުލޫމާތުތަކާއި ރިޒަވޭޝަން ހެއްދުމަށް ސްރީލަންކަންގެ ޖެނެރަލް ސޭލްސް އެޖެންޓް އޮފީހުގެ މޮބައިލް ނަންބަރ 7978966 އަށް ވައިބަރ ނުވަތަ ފޯނުކޮށްގެން މައުލޫމާތު ސާފު ކުރެއްވޭނެއެވެ.