ހަރުގެއެއްގައި އަލިފާން ރޯވެ، މީހަކަށް އަނިޔާވެއްޖެ އެވެ.
އަލިފާނުގެ ހާދިސާއެއްގައި މީހަކަށް އަނިޔާވެފައިވަނީ އދ. ދިގުރަށު ގެއެއްގައި ރޭގެ ވަގުތެއް ގައެެވެ.
ފުލުހުން ބުނީ ރޭ 19:04 ހާއިރު އެ ތަނުގައި އަލިފާން ރޯވެގެން އުޅޭކަމުގެ މައުލޫމާތު ފުލުހުންނަށް ލިބިގެން އެތަނުގައި ހަރަކާތްތެރިވި ކަމަށާއި ކުޑަ ވަގުތުކޮޅެއްގެ ތެރޭގައި އަލިފާންގަނޑު ނިންވާލެވުނުކަމަށެވެ. މި ހާދިސާގައި، 66 އަހަރުގެ ފިރިހެނަކަށް އަނިޔާވި ކަމަށް ފުލުހުންގެ އޮފިޝަލަކު ވަނީ ވިދާޅުވެފަ އެވެ.
މިހާދިސާ ގައި އަނިޔާވި މިހާގެ ހަށިގަނޑުގެ ބައެއް ތަންތަން ފިހިފައިވާ ކަމަށާއި އޭނާ އަށް އެ ރަށު ސިއްހީ މަރުކަޒުގައި އަންނަނީ ފަރުވާ ދެމުން ކަމަށް ވެސް އޮފިޝަލު ވިދާޅުވިއެވެ.
މި ހާދިސާގައި އެ ހަރުގޭގައި ބޮޑު ބައެއްގައި އަލިފާން ރޯވެ، އެ ތަނުގެ ތެރޭގައި ހަދަމުން ދިޔަ ދޯންޏެއްގައި ވެސް ވަރަށް ބޮޑަށް އަލިފާން ރޯވުމުގެ އިތުރުން އެސަރަހައްދުގައި ހުރި ރުއްތަކެއްގައި ވެސް ރޯވެފައިވާ ކަމަށް އެރަށު ކައުންސިލުން ބުނެ އެވެ.
ހަރުގޭގައި ރޯވި އަލިފާން ގަނޑު ނިއްވާލުމަށް ފުލުހުންގެ އިތުރުން ރަށުގެ ރައްޔިތުންގެ އިތުރުން، އެ ތަނުގައި އަލިފާން ރޯވީ ކީއްވެގެން ކަމެއް އަދި ސާފެއް ނުވެ އެވެ.