މުދަލާއި ޚިދުމަތުގެ އަގުން ނަގާ ޓެކްސް (ޖީ.އެސް.ޓީ) އާއި އެއާގުޅޭ ޖޫރިމަނާގެ ގޮތުގައި ދެ މިލިއަނަށްވުރެ ގިނަ ރުފިޔާ މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އަށް ދެއްކުމަށް ހައިސީ އިންޓަރނޭޝަނަލް ޕްރައިވެޓް ލިމިޓެޑް އަށް ސިވިލް ކޯޓުން ޙުކުމް ކޮށްފި އެވެ.
ސިވިލް ކޯޓުން ކުރި ޙުކުމްގައި ބުނެފައި ވަނީ ޖީ.އެސް.ޓީގެ ގޮތުގައި 1،156،181ރ. އާއި، އެ ފައިސާ ދައްކަން ޖެހޭ މުއްދަތުގައި ނުދެއްކުމުގެ ސަބަބުން ޖޫރިމަނާގެ ގޮތުގައި މިއަދާއި ހަމައަށް 910،619ރ. ހައިސީ އިންޓަރނޭޝަނަލް ޕްރައިވެޓް ލިމިޓެޑް އިން މީރާ އަށް ދައްކަން ޖެހޭނެ ކަމަށެވެ.
އެހެންކަމުން ޖީ.އެސް.ޓީ އާއި އެއާގުޅޭ ޖޫރިމަނާގެ ގޮތުގައި ހައިސީ އިންޓަރނޭޝަނަލް ޕްރައިވެޓް ލިމިޓެޑް އިން ޖުމްލަ 2،066،800 ރުފިޔާ ތިން މަސްދުވަސް ތެރޭގައި މީރާއަށް ދައްކާ ޚަލާސްކުރަންޖެހޭނެ ކަމަށް ސިވިލް ކޯޓުގެ ޙުކުމްގައި ބުނެފައި ވެއެވެ.