އުރީދޫ މޯލްޑިވްސް އިން ސެމްސަންގްގެ ފަހުގެ ފޯނު ގެލެކްސީ އެސް 10 ސީރީޒް ތައާރަފުކޮށް، ޕްރީ- އޯޑަރަށް ހުޅުވާލައިފި އެވެ.
ރާއްޖޭގައި ސެމްސަންގް އެސް 10 ސީރީޒް ތައާރަފްކުރަން އިއްޔެ ބޭއްވި ހަފުލާ ގައި ސެމްސަންގް އިންޑިއާ އިލެކްޓްރޮނިކްސްގެ ފަރާތުން މެނޭޖިންގް ޑައިރެކްޓަރ އޮފް ސްރީލަންކާ އެންޑް މޯލްޑިވްސް، ހަންބޭ ޕާކް ޑަރިރެކްޓަރ އޮފް މޮބައިލް، ވައި.ކޭ ހވޯންގ؛ ހެޑް އޮފް މޮބައިލް އޮޕަރޭޝަންސް، ޝަންތަ ފަރނެންޑޯ އަދި އުރީދޫ މޯލްޑިވްސް އިން ސީއީއޯ ނަޖީބް ޙާން އާއި އަދި ޑައިރެކްޓަރު އޮފް ބްރޭންޑް އެންޑް ސޭލްސް، ހުސެން ނިޔާޒު ވަނީ ބައިވެރިވެފައިވެ އެވެ.
ސެމްސަންގް އާއި އުރީދޫ ގުޅިގެން ސެމްސަންގުގެ ފަހުގެ ގެލެކްސީ އެސް 10 ސީރީޒް ރާއްޖޭގައި ތައާރަފްކޮށް، ފޯނުތަށް ބައްލަވައިގަތުމަށް ވަރަށް ހާއްސަ ޕްލޭންތަކެއް އިއުލާނު ކޮށްފައިވާނެ ކަމަށް އުރީދޫން ބުނެއެވެ.
އުރީދޫއިން ވަނީ ސެމްސަންގް ގެލެކްސީ އެސް 10 އަދި އެސް 10 ޕްލަސް ފޯނުތަކަށް ޕްރީއޯޑަރު ކުރާ ކޮންމެ ފޯނަކާއި އެކު، އުރީދޫގެ ފަރާތުން ގެލެކްސީ ބަޑްސް ހަދިޔާކުރެވިގެންދާނެ ކަމަށް ވެސް ބުނެފަ އެވެ.
ބައިނަލްއަޤްވާމީ ޓެކްނޮލޮޖީގެ ދާއިރާގެ ޝައުގުވެރިކަން ހޯދާފައިވާ މި ފޯނުތަށް ބައްލަވައިގަތުމަށް، އުރީދޫ ކަސްޓަމަރުންނަށް ވަނީ ވަރަށް ފުރިހަމަ އިންސްޓޯލްމަންޓް ޕެކޭޖުތަކެއް ތައާރަފްކޮށްފަ އެވެ.
އެގޮތުން އެއް އަހަރަށް ބަހާލެވިފައިވާ މި ޕެކޭޖުތައް މެދުވެރިކޮށް 12 ޖީބީގެ ހިލޭ ޑޭޓާ ލިބި، ވަރަށް އަގުހެޔޮކޮށް ފޯނު ނެގޭނެ އެވެ.
މި ޕްލޭން މެދުވެރިކޮށް އުރީދޫގެ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށްވެސް އެންމެ ރަނގަޅު އަގުގައި ފޯނުތައް ބައްލަވައިގަނެވޭއިރު، މި ޕެކޭޖްގެ ދަށުން، އެއް އަހަރުގެ މުއްދަތަށް، މަހަކު 1 ޖިބީ ޑޭޓާ ހިލޭ ލިބެ އެވެ.
ފުލް ޕޭމެންޓް ޕްލޭން
– ސެމްސަންގް ގެލެކްސީ އެސް10 (128ޖީބީ)- 12،999ރ.
– ސެމްސަންގް ގެލެކްސީ އެސް10 ޕްލަސް (128ޖީބީ)- 14،499ރ.
– ސެމްސަންގް ގެލެކްސީ އެސް10 ޕްލަސް (512ޖީބީ)- 18،199ރ.
– ސެމްސަންގް ގެލެކްސީ އެސް10 ޕްލަސް (1ޓީބީ)- 23،599ރ.
މަހުން މަހަށް ފައިސާ ދައްކާ ޕްލޭން
މަހުން މަަހަށް ފައިސާ ދައްކާ ޕްލޭން ހާއްސަކޮށްފައި ވަނީ ޕޯސްޓްޕެއިޑް ކަސްޓަމަރުންނަށެވެ.
– ސެމްސަންގް ގެލެކްސީ އެސް10 (128ޖީބީ)- 942ރ.
– ސެމްސަންގް ގެލެކްސީ އެސް10 ޕްލަސް (128ޖީބީ)- 992ރ.
– ސެމްސަންގް ގެލެކްސީ އެސް10 ޕްލަސް (512ޖީބީ)- 1،300ރ.
– ސެމްސަންގް ގެލެކްސީ އެސް10 ޕްލަސް (1ޓީބީ)- 1،775ރ.