ރޮބާޓް ޑައުނީ ޖޫނިއަރ އާއި ޖޫޑް ލޯގެ "ޝާލޮކް ހޯމްސް" ސީރީސް ރިލީޒްކުރާ ތާރީޚު ފަސްކޮށްފި އެވެ.
"ޓައިމްސް އޮފް އިންޑިއާ" އިން ރިޕޯޓްކުރާ ގޮތުގައި ކުރިން 25 ޑިސެމްބަރ 2020ގައި ރިލީޒްކުރުމަށް ޝެޑިއުލްކޮށްފައި އޮތް މި ފިލްމް މިހާރު ރިލީޒްކުރާނީ 22 ޑިސެމްބަރ 2021 ގައެވެ.
ގިނަ ބަޔަކު އިންތިޒާކު ކުރަމުން އަންނަ މި ފިލްމްގެ ޓައިޓަލް ރޯލުން ފެނިގެންދަނީ އުމުރުން 53 އަހަރުގެ ޑައުނީ އެވެ. އަދި މި ސީރީސްގައި ޝާލޮކްގެ މަޝްހޫރު ސައިޑްކިކް ކަމުގައިވާ ޑރ. ވޮޓްސަންގެ ރޯލް ކުޅެނީ އުމުރުން 46 އަހަރުގެ ލޯ އެވެ.
މި ސީރީސްގެ ތިންވަނަ ފިލްމުގައި މި ދެ ތަރިންވެސް ފެނިގެންދާނެ އެވެ.
2009 ވަނަ އަހަރު ނެރުނު "ޝާލޮކް ހޯމްސް" އާއި 2011 ވަނަ އަހަރު ނެރުނު "ޝާލޮކް ހޯމްސް: އަ ގޭމް އޮފް ޝެޑޯސް" އިން ވެސް މި ދެ ތަރިން ވަނީ ފެނިގެންގޮސްފަ އެވެ.
ފުރަތަމަ ދެ ފިލްމްވެސް ޑައިރެކްޓްކުރީ ގާއި ރިޗީ އެވެ. ނަމަވެސް ތިންވަނަ ފިލްމް ޑައިރެކްޓްކުރާނީ ކާކުކަމެއް އަދި ނޭނގެ އެވެ.
އާ ފިލްމްގެ ސްކްރިޕްޓް ލިޔެފައި ވަނީ "ނާކޯސް"ގެ ކޯ-ކްރިއޭޓަރ ކަމުގައިވާ ކްރިސް ބްރޭންކާޓޯ އެވެ. އަދި މި ފިލްމް ޑައިރެކްޓްކުރާނީ ސޫޒަން ޑައުނީ އާއި ޖޮއެލް ސިލްވަރގެ އިތުރުން ލައޮނެލް ވިގްރާމް އެވެ.