ނަޝީދުއަކީ އެއްވެސް އެއްޗެއް ދަންނަ މީހެއް ނޫން ކަމަށާއި، މުރަނގަގަސްދޮށު މާލިމީ ހެދިގެން އެމްޑީޕީ ކޯލިޝަން ސަރުކާރު ސުންނާފަތިކޮށް ހުސްކުރާނެ ކަމަށް ވިލިމާލެ ދާއިރާގެ މެމްބަރު އަހުމަދު ނިހާން ވިދާޅުވެއްޖެއެވެ.
ނިހާން މިހެން ވިދާޅުވެފައިވަނީ އޮންލައިން ނޫސް "އަވަސް"ގައި ކަރަންޓު ޔުނިޓެއްގެ އަގު ކުޑަކުރައްވާނެ ކަމަށް ނަޝީދު ވިދާޅުވެފައިވާ ކަމަށް ލިޔުއްވާފައިވާ ޚަބަރަކަށް އިޝާރާތްކޮށް ކުރައްވާފައިވާ ޓްވީޓެއްގައެވެ.
Mi Nasheed akee Ehkkameh ves dhanna meeheh noon, Murangagosdhoshu Maalimee hedhigen MDP Coalition Sarukaaru Sunnaafathi koh Hus Kuraane. Raees Yamin ge verikamugai 2018 vana aharuhe kuree kolhu vaanee Electricity Rate Kuda Koh, Mulhi Raajje furathama… https://t.co/STa4Jw94LS
— Ahmed Nihan (@ahmed_nihan) March 5, 2019
"މިނަޝީދުއަކީ އެއްކަމެއް ވެސް ދަންނަ މީހެއް ނޫން، މުރަނގަގަސްދޮށު މާލިމީ ހެދިގެން އެމްޑީޕީ ކޯލިޝަން ސަރުކާރު ސުންނާފަތިކޮށް ހުސްކުރާނެ. ރައީސް ޔާމީނުގެ ވެރިކަމުގައި 2018ވަނަ އަހަރުގެ ކުރީކޮޅު ވާނީ އިލެކްޓްރިސިޓީ ރޭޓް ކުޑަކޮށް މުޅި ރާއްޖެ ފުރަތަމަ…" ނިހާން ވިދާޅުވިއެވެ.
ވިދާޅުވެލައްވަން އެންމެ ފަހުން އުޅުއްވި ވާހަކަތައް ފުރިހަމަ ކުރައްވާފައިވާ ނުވާކަމަށް ދޭހަވާ ގޮތަށް ފެންނަ ޓްވީޓްގައި ނިހާން މިހެން ވިދާޅުވެފައިވާއިރު، ރާއްޖޭގެ ރަށްތަކުގައިދޭ ކަރަންޓް ޔުނިޓެއްގެ އަގު 2:50 ރުފިޔާއަށް ދަށް ކުރާނެ ކަމަށް ކުރީގެ ރައީސް މުހައްމަދު ނަޝީދު ވަނީ ވިދާޅުވެފައެވެ.
ކ.މާފުށީގައި މިއަދު ބޭއްވި ޖަލްސާއެއްގައި ވާހަކަދައްކަވަމުން ނަޝީދު ވިދާޅުވީ އެމްޑީޕީގެ އެޖެންޑާ 19 އިން ކޮށްދޭނެ އެންމެ މުހިއްމު އެއް ކަމަކީ ކަރަންޓު ޔުނިޓެއްގެ އަގު ދެ ރުފިޔާ ބަޔަށް ތިރިކޮށްދިނުން ކަމަށާއި ކަރަންޓު ބިލަށް 1500 ރުފިޔާ އެރުމަކީ އިންސާފެއް ނޫން ކަމަށެވެ.