އިރުމަތީ އަފްޣާނިސްތާންގެ ޖަލާލާބާދު ސިޓީގައި މިއަދު ޖާނުން ފިދާވެގެން ދިން ބޮމުގެ ހަމަލާއެއްގައި އެއް ކުންފުންޏެއްގެ 16 މުވައްޒަފަކު މަރުވެއްޖެ އެވެ.
ނަންގަރްހާރް ޕްރޮވިންސްގެ ގަވަރުނަރުގެ ތަރުޖަމާނަކާއި ހަވާލާދީ "އަލްޖަޒީރާ" އިން ރިޕޯޓްކުރާ މި ހަމަލާ ދިން މީހާ އައީ ފައިމަގުގައި ކަމަށާއި، އޭނާ ބޮން ގޮއްވާލާފައި ވަނީ ޖަލާލާބާދުގެ އެއާޕޯޓް ކައިރީގައި ހުންނަ ކޮންސްޓްރަކްޝަން ކުންފުންޏެއްގެ އޮފީސް ކައިރިން ކަމަށެވެ.
މަރުވި މީހުންގެ ތެރޭގައި އެ ކުންފުނީގެ ސެކިއުރިޓީ ގާޑުންނާއި، ހަމަލާދިން ފަސް މީހަކު ވެސް ހިމެނެއެވެ. އެގޮތުން ބޮން ހިފައިގެން ތިބި ދެމީހުންނާއި ބަޑި ހިފައިގެން ތިބި ތިން މީހުން ވެސް ވަނީ މަރުވެފައެވެ.
މި ހަމަލާގެ ޒިންމާ އަދި އެއްވެސް ފަރާތަކުން ނަގާފައެއް ނުވެއެވެ.
މި ހަމަލާ ދީފައި ވަނީ ގާތްގަނޑަކަށް 18 އަހަރު ދުވަހަށް ދިގުދެމިގެން ގޮސްފައިވާ މައްސަލައަށް ހައްލެއް ގެނައުމަށްޓަކައި އެމެރިކާ އާއި ތާލިބާނުން ޤަތަރުގައި ސުލްޙައިގެ މަޝްވަރާތައް ކުރަމުންދާ ދަނޑިވަޅެއްގަ އެވެ.