ބައިނަލްއަޤްވާމީ އަންހެނުންގެ ދުވަހާއި ގުޅުވައިގެން "ކަލަންކް"ގެ އަންހެން ކެރެކްޓާތައް ކަމުގައިވާ ރޫޕް އާއި ބަހާރް ބޭގަމް އަދި ސަތްޔާގެ ޕޯސްޓަރުތައް ދައްކާލައިފި އެވެ.
މި ފިލްމްގައި ރޫޕްގެ ރޯލް އަދާކުރާނީ އާލިއާ ބަޓް ކަމުގައިވާއިރު، ސަތްޔާގެ ރޯލް އަދާކުރާނީ ސޮނާކްޝީ ސިންހާ އެވެ. އަދި ބަހާރް ބޭގަމްގެ ރޯލް އަދާކުރާނީ މާދުރީ ދިކްޝިތު އެވެ.
މީގެ އިތުރުން އިއްޔެ ވަނީ މި ފިލްމްގެ ފިރިހެން ލީޑުންގެ ޕޯސްޓަރުތައް ވެސް ދައްކާލާފައެވެ. އެގޮތުން ބަލްރާޖްގެ ރޯލް އަދާކުރާނީ ސަންޖޭ ދަތު ކަމުގައިވާއިރު، އަދިތުޔަ ރޯއި ކަޕޫރް އަދާކުރާނީ ދޭވްގެ ރޯލެވެ. އަދި ވަރުން ދަވަން އަދާކުރާނީ ޒަފަރްގެ ރޯލެވެ.
އަބީޝޭކް ވަރްމަން ޑައިރެކްޓްކޮށްފައިވާ މި ފިލްމަކީ އާލިއާ އާއި ވަރުން އެކުގައި ކުޅޭ ހަތަރުވަނަ ފިލްމެވެ.
މި ފިލްމް ރިލީޒްކުރުމަށް ހަމަޖެހިފައި ވަނީ އަންނަ އޭޕްރީލް މަހުގެ 19 ވަނަ ދުވަހު އެވެ.