ވަރޫން ދަވަން އަދި ނަތާޝާ ދަލާލް މިއަހަރުގެ ޑިސެމްބަރުމަހު 9 ވަނަ ދިވަހު ކައިވެނި ކުރުމަށް ތައްޔާރުވަމުންދާ ކަމަށް އިންޑިއާގެ ބައެއް ނޫސްތަކުން ރިޕޯޓް ކޮށްފިއެވެ.
ވަރޫން އަދި ނަތާޝާގެ ލޯބީގެ ގުޅުމަކީ ސިއްރުކުރެވިފައި އޮތް ގުޅުމެއް ނޫނެވެ. ދެމީހުންގެ ބައްދަލުވުން ތަކާއި އެކުގައި ނަގާފައިވާ ފޮޓޯތައް ވަރޫން ވަރަށް ގިނައިން ސޯޝަލް މީޑިއާއާއި ހިއްސާ ކުރެއެވެ.
ބޮލީވުޑް ތަރިންގެ ކައިވެނިތަކަކީ ގިނަ ބައެއް ލޯތައް އެޔަށް އަމާޒު ކުރެވޭ ކަމަކަށް ވަނީ ވެފައެވެ. ފާއިތުވީ އަހަރު އެންމެ ފާހަގަކޮށްލެވުނު ކައިވެނީގެ ތެރޭގައި އަނުޝްކާ ޝަރުމާ އަދި ޕްރިޔަންކާ ޗޯޕުޅާގެ ކައިވެނި ހިމެނެއެވެ. ކުލަގަދަ ހަފްލާތަކުން ކުރިޔަށް ގެންގޮސްފައިވާ މި ކައިވެނިތަކަކީ ވެސް ދުނިޔޭގެ އެކި ކަންކޮޅުތަކުން ގިނަ ބަޔަކު އެ މަންޒަރު ބެލުމަށް ޝައުގުވެރި މަންޒަރުތަކަކަށް ވަނީ ވެގެންގޮސްފައެވެ.
ވަރޫން ދަވަންގެ މިހާރުގެ މަސައްކަތަށް ބަލާއިރު މިވަގުތު އޭނާ މަސައްކަތް ކުރަމުންދަނީ އަބީޝެކް ވަރްމާގެ ފިލްމް"ކަލަންކް"ގެ ޝޫޓިންގ ނެގުމުގައެވެ. ވަރޫންގެ އިތުރުން އެ ފިލްމުގައި އަދިތްޔާ ރޯއީ ކަޕޫރު، އާލިޔާ ބަޓް، މާދުރީ، ސޮނާކްޝީ ސިންހާ އަދި ސަންޖޭ ދަތު ފަދަ ތަރިން ލީޑް ރޯލުން ފެނިގެންދާނެއެވެ.
"ކަލަންކް" ތިއޭޓަރު ތަކަށްދާނެ ކަމަށް ބެލެވިފައިވަނީ 19 އޭޕްރީލް 2019ގައެވެ.