ދުނިޔޭގެ ތިމާވެށި ދުވަހާއި ގުޅިގެން އެމްއެންޑީއެފް ސަދަން އޭރިއާއިންވެސް ސާފު ކުރުމުގެ ހަރަކަކާތްތަކެއް ކުރިއަށް ގެންގޮސްފި އެވެ.
އިއްޔެ ހެނދުނު 08:00 އިން މެންދުރު 12:00 އަށް ސާފު ކުރުމުގެ ހަރަކާތް ހިންގާފައިވެ އެވެ.
އެގޮތުން ހަންކެޑެ ސަރަހައްދު ސާފު ކުރުމަށް ހިނގުނު މިހަރަކާތުގައި ސަދަން އޭރިއާގެ ސިފައިންގެ އިތުރުން ފޭދޫ ސްކޫލްގެ ކެޑޭޓް ކޯގެ ދަރިވަރުންނާއި އަދި ހިތަދޫ ޝަރަފުއްދީން ސްކޫލްގެ ކެޑޭޓް ކޯގެ ދަރިވަރުން ބައިވެރިވެފައިވާ ކަމަށް އެމްއެންޑީއެފް ސަދަން އޭރިއާ އިން ބުންޏެވެ.
މިސަރަޙައްދު ސާފުކުރުމުގެ މަޤްޞަދަކީ، މި ސަރަހައްދަކީ ފޭދޫ އާއި މަރަދޫފޭދޫ އަދި މަރަދޫ އާއި ހިތަދޫގައި ދިރިއުޅޭ ރައްޔިތުން މޫދަށް އެރުމަށާއި ޕިކްނިކް ފަދަ ކަންތައްކުގައި ބޭނުންކުރާ ސަރަޙައްދަކަށްވުމާ އެކު މި ސަރަޙައްދަކީ ރައްޔިތުންނަށް ބޭނުން ކުރެވޭ ފަދަ ސާފު މާހައުލަކަށް ހެދުން ކަމަށް އެމްއެންޑީއެފް ސަދަން އޭރިއާ އިން މަޢުލޫމާތު ދެ އެވެ.