ސަފާރީއަކުން ފީނަން ފޭބި ފަތުރުވެރިޔަކު ހާލު ދެރަވެ ފަރުވާ ދެމުން ދަނިކޮށް މަރުވެއްޖެއެވެ.
މައުލޫމާތު ލިބިފައިވާ ގޮތުގައި މަރުވެފައިވަނީ ޖަޕާނުގެ އުމުރުން 64 އަހަރުގެ ފިރިހެނެކެވެ. ފުލުހުންނާ ހަވާލާދީ މީޑިޔާތަކުން ރިޕޯޓުކޮށްފައިވާ ގޮތުގައި ފަތުރުވެރިންތަކަކާއެކު ވ. އަތޮޅު ސަރަހައްދަށް ފޭބި ފަތުރުވެރިޔާގެ ހާލު ދެރަވެގެން އެއަތޮޅު ހޮސްޕިޓަލަށް ގެންގޮސްފައިވަނީ ރޭގެ ވަގުތެއްގައެވެ.
ފުލުހުން ބުނެފައިވަނީ މިހާރު އެ މީހާގެ ހަށިގަނޑު މާލެ ގެންގޮސްފައިވާ ކަމަށެވެ. ރާއްޖޭގައި މިފަހަކަށް އައިސް މިފަދަ ހާދިސާތައް އިތުރުވަމުން އަންނަ އިރު އެމްއެންޑީއެފުން ބުނީ އަޅަން ޖެހޭ ސަލާމަތީ ފިޔަވަަޅު ގިނަފަހަރު އަޅަން ޖެހޭ މިންވަރަށް ނޭޅި ހުންނަ ކަން ފާހަގަކުރެވޭ ކަމަށެވެ.