މަސްތުވާތަކެއްޗާ އެކު އަތުލައިގަތް ފުލުހުންގެ މަދަނީ މުވައްޒަފު ކޯޓުން ދޫކޮށްލައިފިއެވެ.
ރާއްޖެއަށް ލަންކާ މަގުން ޑްރަގު އެތެރެކުރަން އުޅެނިކޮށް އަތުލައިގަތް ފުލުހުންގެ މުވައްޒަފު ދޫކޮށްލާފައިވަނީ އޭނާގެ ބަންދަށް 7 ދުވަސް ޖަހާފައިވަނިކޮށެވެ.
އޭނާ ދޫކޮށްލީ ބަންދާމެދު ގޮތެއް ނިންމަން ގެނައުމުން ކްރިމިނަލް ކޯޓުންނެވެ. ނަމަވެސް އެ މައްސަލަ އިސްތިއުނާފު ކުރުމަށް ދައުލަތުން ވަނީ ނިންމާފައި ކަމަށް މައުލޫމާތު ލިބިފައިވެއެވެ.
އިންޑިޔާ މަގުން ރާއްޖެއަށް މަސްތުވާތަކެތި އެތެރެކުރަން އުޅުނު އިންޑިޔާ ރައްޔިތަކު ވެސް ވަނީ ފުލުހުން ހިފަހައްޓާފައެވެ. މި ދެމީހުންވެސް އަތުލައިގަތީ މިދިޔަ ހޯމަ ދުވަހުގައެވެ.
ކްރިމިނަލް ކޯޓުން ފުލުސް މުވައްޒަފު މިނިވަން ކުރިއިރު އިންޑިޔާ މީހާގެ ބަންދުގެ މުއްދަތު އިތުރު ފަސް ދުވަހަށް ވަނީ އިތުރުކޮށްފައެވެ.