މިމަހު ފަސްވަނަ ދުވަހުން ފެށިގެން އޮލިމްޕަހުގައި ދައްކަމުން އަންނަ ދިވެހި ފިލްމު ”ފޯޓީ ޕްލަސް“ އައްޑޫ ގައި އަޅުވަން ނިއްމައިފިއެވެ.
އައްޑޫގައި ފިލްމު އަޅުވަން ހަމަޖެހިފައިވަނީ މަރަދޫ ބޮޑަ ގޭގައެވެ.
އައްޑޫ ގައި ”ފޯޓީ ޕްލަސް“ އެޅުވުމަށް އިސްވެ ހަރަކާތްތެރިވާ އަބްދުއްﷲ ޒިޔާޢު ( ޒިޢާ) މިއަދު ބުނީ މި ފިލްމު ގެ ޓިކެޓް ގަތުމަށް ނަން ނޯޓް ކުރުމުގެ ފުރުސަތު މިހާރު ހުޅުވާލައިފައިވާ ކަމަށެވެ.
އެގޮތުން ޓިކެޓް ގަންނަން ބޭނުންވާ ފަރާތް ތަކުން 7955243، އަދި 7845584 ގުޅައިގެން ނަން ނޯޓް ކުރުމުން ފިލްމުގެ ޓިކެޓް ލިބުމުގެ އިންތިޒާމް ހަމަޖެހޭނެ ކަމަށާއި ޓިކެޓެއްގެ އަގަކީ 100ރ ކަމަށް ޒިޢާ ބުނެއެވެ.
އޮލިމްޕަހުގައި ”ފޯޓީ ޕްލަސް“ ރިލީޒްކުރުމަށްމަހު ހައުސްފުލް ޝޯ ތައް ދައްކަމުން އަންނަ އިރު މި ފިލްމަކީ ފިލްމީ އޯޑިއަންސް ހެއްވައިލުމަށް އެންމެ ކުޅަދާނަ ޝައި ޕްރޮޑަކްޝަން އާއި ޔޫއްޕެ ޕްރޮޑަކްޝަނުން އުފައްދައި ރިލީޒްކުރި ހެއްވާ މަޖާ އަދި ބިރުވެރި ފިލްމެކެވެ.