ގަމާއި، ފުވައްމުލަކަށް 1200 ރުފިޔާއަށް ދަތުރު ކުރެވޭ ފެއާއެއް ފްލައި މީން ތައާރަފްކޮށްފައިވާ ކަމަށް އެ އެއާލައިންއިން ބުނެފި އެވެ.
ފްލައި މީގެ އިސް އޮފިޝަލަކު ވިދާޅުވީ މާލެއިން ގަމަށް، އަދި ފުވައްމުލަކަށް އަލަށް ފެށި ފެއާއިން އިން ދަތުރުކުރުމުގެ 3 ދުވަސް ކުރިން ޓިކެޓް ބައްލަވައިގަތުމުން މި ފެއާގައި ދަތުރު ކުރެވޭނެ ކަމަށެވެ. އަދި ޓިކެޓް ނަގާ ދުވަހުން ފެށިގެން 3 މަސް ދުވަހަށް މި ފެއާގެ ޓިކެޓް ބޭނުން ކުރެވޭނެ އެވެ.
ފްލައި މީން މިހާރު ދަތުރު ކުރެވޭ 999 ރުފިޔާގެ ފެއާގެ ޓިކެޓް ނަގަން ޖެހޭ މުއްދަތު ވެސް މިހާރު ވަނީ ބަދަލު ގެނެސްފަ އެވެ. އެގޮތުން 999 ފެއާއަށް ދަތުރު ކުރައްވަން ބޭނުން ބޭފުޅުން 10 ދުވަސް ކުރިން ޓިކެޓް ބައްލަވައި ގަންނަން ޖެ ހެއެވެ.
ފްލައި މީން މާލެ ގަން ނޯމަލް ފެއާ އަށް ނަގަނީ 1،500 ރުފިޔާ އެވެ.