ތ، ދިޔަމިނގިލި ބޯޓުޔާޑުގައި މަސައްކަތް ކުރަމުންދަނިކޮށް މީހެއްގެ ފައިގެ އިނގިލިތައް ބުރިވެއްޖެއެވެ.
މިއަދު ހެނދުނު 09:15 ހާއިރުމި ހާދިސާ ހިނގާފައިވަނީ ދިޔަމިގިލި ބޯޓުޔާޑުގައި މަސައްކަތްކުރަމުން ދިޔައިރު ފޯކްލިފްޓުން ދަގަނޑު ފިލަޔެއް ތިރިކުރަން އުޅުމުގެ ތެރޭގައި އެ ފިލާ ވެއްޓުމުގެ ސަބަބުން ކަމަށް ފުލުހުން ބުނެއެވެ.
މި ހާދިސާ ގައި އަނިޔާ ވެފައިވަނީ އުމުރުން 36 އަހަރުގެ ދިވެހި ފިރިހެނަކަށް ކަމަށާއި އޭނާ ގެ ކަނާތު ފައިގެ ބައެއް އިނގިލިތައް ބުރިވެފައިވާ ފުލުހުން ވަނީ ބުނެފައެވެ.
އޭނާއަށް އިތުރު ފަރުވާ ދިނުމަށް ތ.އަތޮޅު ހޮސްޕިޓަލަށް ގެންދިއުމަށް މަސައްކަތް ކުރަމުންދާ ކަމަށްވެސް ފުލުހުން ވަނީ ބުނެފައެވެ. މިހާދިސާ ފުލުހުން ދަނީ މިހާރު އިތުރަށް ތަހުގީގު ކުރަމުންނެވެ.