މަސްތުވާތަކެތި ކަމަށް ޝައްކު ކުރެވޭ ރަބަރު ޕެކެޓާއި އެކު ތިން ބިދޭސީއަކު މިރޭ ފުލުހުންގެ ބެލުމުގެ ދަށައް ގެންގޮސްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ މިރޭ 8 ޖަހާކަށް ހާއިރު ފުލުހުންނަށް ލިބުނު މައުލޫމާތަކާއި ގުޅިގެން ހިންގި އޮޕަރޭޝަނެއްގައި ކާރެއް ހުއްޓުވައި އެކަރު ޗެކު ކުރިއިރު ކާރުގެ ފަހަތު ސީޓު މަތިން މަސްތުވާތަކެތި ކަމަށް ޝައްކު ކުރެވޭ ރަބަރު ޕެކެޓެއް ފެނިފައިވާ ކަމަށެވެ.
އެ މައްސަލާގައި ކާރުގައި ތިބި ތިން މީހުން ހައްޔަރު ކޮށްފައިވާ އިރު އެތިން މީހުންނަކީ އުމުރުން 21 އަހަރާއި 25 އަހަރާއި 28 އަހަރުގެ ބަންގްލަދޭޝަށް ނިސްބަތްވާ ބައެއްް ކަމަށް ފުލުހުން ބުނެއެވެ.
މި މައްސަލަ ފުލުހުން މިހާރު ދަނީ ތަހްގީގު ކުރަމުންނެވެ.