ނަވާރަ ވަނަ ރައްޔިތުންގެ މަޖިލީހުގައި އެމްޑީޕީ މެމްބަރުން ގިނަވެގެން ރައްޔިތުންނަށް ވާނެ ގެއްލުމެއް ނެތް ކަމަށާއި، އެމްޑީޕީގެ މެޖޯރިޓީ ލިބުމުން ރައްޔިތުންނަށް ވާނީ ފައިދާ ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެއެވެ.
ރައީސް ސޯލިހް މިހެން ވިދާޅުވެފައިވަނީ މިއަދު ނ. މަނަދޫގައި، މަނަދޫ ދާއިރާ އިން އެމްޑީޕީ ޓިކެޓުގައި ވާދަކުރާ ކެންޑިޑޭޓް އަހުމަދު ހާރޫންގެ ކެމްޕޭނު ޖަލްސާގައި ވާހަކަ ދައްކަވަމުންނެވެ.
ރައީސް ސޯލިހް ވިދާޅުވީ އެމަނިކުފާނު އެދިލައްވަނީ އެމްޑީޕީގެ، އެމަނިކުފާނުގެ ވައުދުތަކާއި ސިޔާސަތުތައް ތަންފީޒު ކުރައްވާނެ ކެންޑިޑޭޓުންނަށް ވޯޓު ދެއްވުމަށް ކަމަށެވެ.
ނަމަވެސް އެމަނިކުފާނު ކުރައްވާ މަސައްކަތުން، ކޯލިޝަނުގައި ތިއްބެވި އެހެން ޕާޓީތަކާއި ޕާޓީތަކުގެ ކެންޑިޑޭޓުންނަށް އެއްވެސް ދެރައެއް ނުލިބޭނެ ކަމަށް ރައީސް ވިދާޅުވިއެވެ. އެމަނިކުފާނަކީ ތަފާތު ސިޔާސީ ފިކުރުތަކަށް މަރުހަބާ ކިޔުއްވާ ބޭފުޅެއް ކަމަށާއި ތަފާތު ފިކުރުތަކާއެކު މަސައްކަތް ކުރެވޭނެ ބޭފުޅެއްކަން ސާބިތުކޮށްދެއްވާފައިވާނެ ކަމަށް ރައީސް ވިދާޅުވެފައިވެއެވެ.
ރައީސް ވަނީ މިޖަލްސާގައި، މަނަދޫ އިން އަދި ނ. އަތޮޅުގެ ރައްޔިތުން ނިމިގެން ދިޔަ ރިޔާސީ އިންތިޚާބުގައި އެމަނިކުފާނަށް ދެއްވި ވޯޓަށް ޝުކުރު ދަންނަވާފައެވެ. އަދި މިއަދު އެރަށުން އެމަނިކުފާނަށް އެރުވި މަރުހަބާއަށް