މިދިޔަ ހަފްތާގައި ގަވައިދާ ހިލާފަށް ޕާކުކޮށްގެން 232 ސްޓިކާ ޖެހި ކަމަށް ފުލުހުން ބުނެފިއެވެ.
ނުވަ ސަރަހައްދެއްގައި ގަވައިދާ ހިލާފަށް ޕާކު ކުރާނަމަ ސްޓިކާ ޖަހަާނެ ކަމަށާއި ގަވައިދާ ހިލާފަށް ޕާކު ކުރާނަމަ ސްޓިކާ ޖަހާނެ އުސޫލު ފުލުހުން ވަނީ މީގެ ކުރިން އާންމުކުރުމަށް ފަހުގައެވެ
މިދިޔަ ހަފްތާގައި 934 ވެހިކަލް ބަލާ ޗެކް ކުރި ކަމަށާއި ލައިސެންސް ނެތި 139 އުޅަނދު ދުއްވިކަން ފާހަގަވިކަމަށް ފުލުހުންގެ ތަފާސްހިސާބުތައް ދައްކައެވެ.
މީގެ އިތުރުން މިދިޔަ ހަފްތާގައި 53 އެކްސިޑެންޓް ހިނގިކަމަށް ރެކޯޑު ކޮށްފައިވާއިރު ސްޕީޑް ލިމިޓަށްވުރެ ބާރަށް ދުއްވިކަން ފާހަގަވެފައިވަނި އެންމެ ވެހިކަލެކެވެ.
އަދި އަށާރަ ހަރަރުން ދަށުގެ ކުއްޖަކު ދުއްވި އެއް ވެހިކަލްވެސް މިދިޔަ ހަފްތާގައި ވަނީ ހުއްޓުވައިފައެވެ.
ފުލުހުން އާންމުކޮށްފައިވާ ޓްރެފިކް މެނޭޖުމެންޓް ޑިޕާޓްމެންތުގެ ތަފާސްހިސާބުތައް ދައްކާގޮތުން މަގުމަތީގައި ޕާކުކޮށްފައި ހުރި ވެހިކަލްތަކުގެ ތެރެއިން 200 ވެހިކަލެއް މިހާރު ވަނީ ނަގައިފައެވެ.
މި ވެހިކަލްތައް ނަގާފައިވަނީ އެ ވެހިކަލްތަކުގެ ވެރިންނަށް ގުޅައި، އެ އެއްޗެހި ބާއްވާފައިއޮތް ތަނުން ނެގުމަށް އެދުމަށްފަހު، ވެރިފަރާތުން ނަގާފައި ނުވާތީ ކަމަށްް ފުލުހުން ބުނެފައިވާ އިރު މިދިޔަ ހަފްތާގައި 42 ސައިކަލާއި ހަތަރު ކާރު ފުލުހުން ވަނީ ޓޯ ކޮށްފައެވެ.