ރައްޔިތުންގެ މަޖިލީހުގެ ހިތަދޫ މެދު ދާއިރާއަށް ވާދަކުރާ ވިޔަފާރިވެރިޔާ، ޒާހިދު ރަމީޒު އޭނާގެ ނަން ނަގައި، އިންތިޚާބުގައި ވާދަނުކުރުމަށް ނިންމައިފިއެވެ.
އެންމެ ފުރަތަމަ ޕީޕީއެމް ޓިކެޓު ބެހިއިރު ހިތަދޫ މެދު ދާއިރާގެ ޓިކެޓް ލިބުނު ޒާހިދް ވަނީ ފަހުން، އަމިއްލަ ގޮތުން ވާދަކުރަން ނިންމާފައެވެ. ބެލެވޭ ގޮތުގައި އޭނާ އަމިއްލަ ގޮތުން ވާދަކުރަން ނިންމީ އިދިކޮޅާއި ގާސިމް އިބްރާހިމް މަޖިލިސް އިންތިޚާބުގައި ގުޅުމުން، ޖޭޕީގެ ކެންޑިޑޭޓަށް ޕީޕީއެމުން ތާއީދުކޮށް ނަން ނެގުމަށް އެންގުމުންނެވެ.
ޒާހިދު ވަނީ ފަހުން، ޕީއެންސީގެ ވަގުތީ ރައީސް އަބްދުއްރަހީމަށް ވަރަށް ބޮޑަށް ފާޑުކިޔުމަށް ފަހު ޕީޕީއެމުން ވަކިވެސް ވެފައެވެ.
ޒާހިދު ނަން ނެގުމުން މިހާރު ހިތަދޫ މެދަށް ވާދަކުރަނީ އެމްޑީޕީގެ ކެންޑިޑޭޓް އަހުމަދު ރަޝީދު(ޗެކްމާކް)، ޖޭޕީ ކެންޑިޑޭޓް ހުސެން ސޯލިހް އަދި އަމިއްލަ ގޮތުން ވާދަކުރާ އާރިފްއެވެ.
ޒާހިދު ވަނީ ނަން ނެގިޔަސް އެއްވެސް ކެންޑިޑޭޓަކަށް ތާއީދު ނުކުރާނެ ކަމަށް ބުނެފައެވެ. އަދި މަޖިލިސް އިންތިޚާބުގައި ވާދަނުކުރިޔަސް ހިތަދޫ މެދު ދާއިރާއަށް ކުރަން ވައުދުވި ކަންކަން ކޮށްދެއްވާނެ ކަމަށް ބުނެފައިވެއެވެ.
އަދި ދެން އޮންނަ މަޖްލިސް އިންތިހާބެއްގައި ވާދަކުރައްވާނެކަން އިއްލާންކޮށްފައެވެ.