އިންޑިއާ އާއި ރާއްޖެ އާއި ދެމެދު ތިން އެއްބަސްވުމުގައި ސޮއިކޮށްފިއެވެ.
އިންޑިއާ އާއި ރާއްޖެ އާއި ދެމެދު ވެެވުނު އެއްްބަސްވުން ތަކަކީ ރައީސް އިބްރާހީމް މުހައްމަދު ސޯލިހް އިންޑިއާ އަށް ކުރެއްވި ދަތުރުފުޅުގައި ރާއްޖެ އަށް ކޮށްދިނުމަށް އެ ގައުމުން ވައުދުވި ކަންކަމުގެ ތެރޭގައި ހިމެނޭ އެއްބަސްވުން ތަކަކެވެ.
އިންޑިއާގެ ފޮރިން މިނިސްޓަރ ސުޝްމާ ސުވަރާޖު ރާއްޖެ ކުރައްވަމުން ގެންދަވާ ދަތުރުފުޅުގެ ތެރެއިން އިއްޔެ ރާއްޖެ އާއި އިންޑިއާ ދެމެދު ސޮއި ކުރެވުނު އެއްބަސްވުން ތަކަކީ ޑިޕްލޮމެޓިކް އަދި އޮފިޝަލް ޕާސްޕޯޓް އޮންނަ މީހުންގެ ވިސާ ފަސޭހަ ކުރުމުގެ އެއްބަސްވުމާއި ތަރައްގީ އާއި އިއާދަކުރަނިވި ހަކަތައިގެ އެއްބަސްވުމެކެވެ. ނަމަވެސް އެއްބަސްވުންތަކުގެ ތަފްސީލެއް ހާމައެއް ނުކުރެ އެވެ.
ތިން އެއްބަސްވުންތަކުގައި ކުރުމަށް ފަހު ފޮރިން މިނިސްޓަރު އަބްދުﷲ ޝާހިދު ވިދާޅުވީ އިންޑިއާއިން ރާއްޖެ އަށް ކޮށްދިނުމަށް ވައުދުވި ކަންތައްތައް ކުރިއަށް ދާ ގޮތާ މެދު ވަރަށް ހިތްހަމަޖެހިވަޑައިގަންނަވާ ކަަމަށެވެ.
މިނިސްޓަރު ޝާހިދު ވިދާޅުވީ ވަރަށް ފުޅާ ދާއިރާއެއްގައި ގިނަ ކަންތައްތަކާ ގުޅޭ ގޮތުން ސުޝްމާއެކު މަޝްވަރާ ކުރެވިފައިވާ ކަމަށެވެ.
ސުޝްމާ ވަނީ ވަޒީރުންނާއި ބައްދަލު ކުރައްވައި މަޝްވަރާ ކުރައްވާފައެވެ. އަދި ރައްޔިތުންގެ މަޖިލީހަށް ވަޑައިގެން މަޖްލިސްގެ ރައީސާއި ބައްދަލު ކުރައްވާފައެވެ.