އިންޑިއާއިން އައިޖީއެމްއެޗް ހޮސްޕިޓަލްގެ އާބާތުރަފިލުވުމަށް މަޝްރޫއުއެއް ހިންގުމަށް ނިންމައި، އެކަން އިއުލާންކޮށްފި އެވެ.
ހޮސްޕިޓަލްގެ އާބާތުރަފިލުވުމުގެ މަޝްރޫއު ފައްޓަވާފައި ދެއްވާފައިވަނީ އިންޑިއާގެ ފޮރިން މިނިސްޓަރު ސުޝްމާ ސުވާރެޖެވެ. އެކަމަނާ ރާއްޖެއަށް މިހާރު ކުރައްވަމުން ގެންދަވާ ދަތުރުގައި އައިޖީއެމްއެޗަށް ޒިޔާރަތް ކުރައްވައި ތަން ވަނީ ބައްލަވާލުމަށް ފަހު ފޮރިން މިނިސްޓްރީން ބުނެފައިވަނީ މަޝްރޫއަކީ އިންޑިއާއިން ދިވެހިންނަށް ދޭ ހަދިޔާއެއް ކަމަށެވެ.
މަޝްރޫއު ފަށާފައިވީ ނަމަވެސް އޭގެ ތަފްސީލެއް އަދި ހާމައެއް ނުކުރެ އެވެ.
ސުޝްމާގެ ދަތުރުގައި އިންޑިއާ އާއި ރާއްޖެއިން ވަނީ ތިން އެއްބަސްވުމެއްގައި ސޮއި ވެސް ކުރައްވާފަ އެވެ.
އެއީ ޑިޕްލޮމެޓިކް އަދި އޮފިޝަލް ޕާސްޕޯޓް އޮންނަ މީހުންގެ ވިސާ ފަސޭހަ ކުރުމުގެ އެއްބަސްވުމާއި ތަރައްގީ އާއި އިއާދަކުރަނިވި ހަކަތައިގެ އެއްބަސްވުމެކެވެ. ނަމަވެސް އެއްބަސްވުންތަކުގެ ތަފްސީލެއް ހާމައެއް ނުކުރެ އެވެ.
މި އެއްބަސް ވުން ތަކާއިމެދު ހިތްހަމަޖެހިވަޑައުގެން ހުންނެވިކަން ހާމަ ކުރައްވައި ޓްވީޓް ކުރެއްވުމަށް ފަހު މިނިސްޓަރު ޝާހިދު ވިދާޅުވީ ވަރަށް ފުޅާ ދާއިރާއެއްގައި ގިނަ ކަންތައްތަކާ ގުޅޭ ގޮތުން ސުޝްމާއެކު މިއަދު މަޝްވަރާ ކުރެވިފައިވާ ކަމަށާއި ރައީސް އިބްރާހިމް މުހައްމަދު ސޯލިހުގެ ދަތުރުފުޅުގައި ވައުދުވީ ކަންކަން ހާސިލްވަމުންދާ ގޮތާމެދު ހިތްހަމަޖެހިވަޑައިގަންނަވާ ކަމަށެވެ.
މަޝްރޫއު ފަށާފައިވީ ނަމަވެސް އޭގެ ތަފްސީލެއް އަދި ހާމަ ކޮށްފަ އެއް ނުވެއެވެ