ހަވަލިގެ ނަމުގައި ދަރުބާރުގޭގައި ކުރިއަށްގެންދިޔަ މަދަނީ ޖަމްޢިއްޔާތަކުގެ ފެއަރއަށް ރައީސް އިބްރާހިމް މުޙައްމަދު ސޯލިހު، މިއަދު ޒިޔާރަތް ކުރައްވައިފިއެވެ.
މި ފެއަރ އަކީ މިނިސްޓްރީ އޮފް ހޯމް އެފެއާޒާއި މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްއިން ގުޅިގެން މި ހިނގާ މާޗު މަހުގެ 16 އިން 18 އަށް ކުރިއަށްގެންދިޔަ މި ފެއަރއަކީ ވިޔަފާރިތަކާއި، މަދަނީ ޖަމްޢިއްޔާތަށް ގުޅުވައިދިނުމުގެ މަޤްޞަދުގައި ކުރިއަށްގެންދިޔަ ފެއަރ އެކެވެ.
މި ފެއަރގައި 100 އަށް ވުރެ ގިނަ ޖަމްޢިއްޔާއިން ބައިވެރިވެފައިވާއިރު، މިދިޔަ ހޮނިހިރު ދުވަހު މި ފެއަރ ހުޅުއްވައިދެއްވީ އިކޮނިމިކް މިނިސްޓަރު ފައްޔާޒް އިސްމާއިލް އެވެ.
ހިލޭ ސާބަހަށް މަސައްކަތްކުރާ ޖަމިއްޔާ (އެންޖީއޯ) ތަކުގެ އިތުރުން މި ފެއާގައި ސަރުކާރުގެ ބޮޑެތި ކުންފުނިތަކުންވެސް ބައިވެރިވެފައި ވެއެވެ. އެގޮތުން ސަރުކާރުގެ ފަރާތުން ބައިވެރިވި ކުންފުނިތަކުގެ ތެރޭގައި އެސްޓީއޯ، ވެމްކޯ، އައިލޭން ޑްއޭވިއޭޝަން، އެމް.ޑަބްލިއު.އެސް.ސީ، އެމްޕީއެލް، ފެނަކަ، އެމް.ޓީ.ސީ.ސީ، ބީއެމްއެލް، ސްޓެލްކޯ، އެޗް.ޑީ.ސީ އަދި އެމް.އެމް.ޕީ.އާރު.ސީގެ އިތުރުން ގްރޭޓަރ މާލެ އާއި އެލިސަން އާއި އެޗް.އޯ.އެފް.ސީ، އަދި ލިކަމާ، އެލިއާ އާއި ދިރާގު ހިމެނެއެވެ.