އިންޑިއާގެ ތިރުވަނަންތަޕޫރަމްގައި ގިނަ އަދަދަކަށް ދިވެހިން ތިބޭ ހޮޓަލެއްގައި އަލިފާނުގެ ހާދިސާއެއް ހިނގައިފި އެވެ.
ފޮރިން މިނިސްޓްރީ އިން މަޢުލޫމާތު ދޭ ގޮތުގައި އެ ހާދިސާ ހިނގާފައި ވަނީ އެ ހޮޓަލްގެ ޓެރަސްގައެވެ. ނަމަވެސް އެއީ ކޮން ހޮޓަލެއްކަން އަދި ސާފެއް ނުވެއެވެ.
އެ ހާދިސާ އާއި ގުޅިގެން ހޮޓަލްގައި ތިބި ދިވެހިންނަށް ޓްރިވެންޑްރަމްގައި ހުންނަ ދިވެހިރާއްޖޭގެ ކޮންސިއުލޭޓުން އެހީތެރިކަން ފޯރުކޮށްދީފައިވާ ކަމަށާއި، އަލިފާނުގެ މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށް ފޮރިން މިނިސްޓްރީ އިން ބުނެއެވެ.
ޓްރިވެންޑްރަމް އަކީ ދިވެހިން އާންމުކޮށް ބޭސްފަރުވާ އަށް ގޮސް އުޅޭ ތަނަކަށްވާއިރު، ގިނަ އަދަދެއްގެ ދިވެހި ދަރިވަރުން ޓްރިވެންޑްރަމްގައި ތަޢުލީމް ހާސިލްކުރަމުން ވެސް ދެއެވެ.