މަޝްހޫރު އެތައް ތަރިންނަކާއި ވާދަކޮށް 64 ވަނަ ވިމަލް އެލައިޗީ ފިލްމްފެއަރ އެވޯޑްސް 2019ގެ އެންމެ މޮޅު އަންހެން އެކްޓަރުގެ މަގާމު އާލިޔާ ބަޓްއަށް ލިބިއްޖެއެވެ.
އެންމެ މޮޅު އަންހެން އެކްޓަރުގެ މަގާމަށް ވާދަކުރި ތަރިންގެ ތެރޭގައި ފިލްމް"ޕަދްމާވަތް"އިން ދީޕިކާ ފަޑުކޯން، "ބަދާއީ ހޯ" އިން ނީނާ ގުޕްތާ، "ހިޗްކީ" ރާނީ މުކަރުޖީ އަދި "އަންދާދުން" އިން ތާބޫ ހިމެނެއެވެ. މި ތަރިންނާއި ވާދަކޮށް އާލިޔާ މި މަގާމް ހޯދާފައިވަނީ އޭނާ ފިލްމް"ރާޒީ"ގައި ދައްކާފައިވާ މޮޅު ހުނަރުންނެވެ.
އެވޯޑަށްފަހު އާލިޔާ ދެއްކި ވާހަކައިގާ ވިކީ ކޯޝަލް އާއި ނުލާ އެ ފިލްމު ފުރިހަމަ ނުވީސްކަން އޭނާ ވަނީ ފާހަގަކޮށްފައެވެ. އަދި ފިލްމްގެ ޕްރޮޑިއުސަރު މޭގްނާ ގުލްޒާރަށް ތައުރީފް އޮއްސާފައިވެއެވެ. އަދި ކަރަން ޖޯހަރުއަށް ޝުކުރުއަދާ ކޮށްފައިވެއެވެ. އަދި މީގެ ިއތުރުން އޭނާގެ ލޯބިވެރިޔާ ރަންބީރު ކަޕޫރު ދެކެ ވަރަށް ލޯބިވާ ކަމަށް ވެސް ބުނެފައިވެއެވެ.
މިއީ އާލިޔާގެ ދެވަނަ ފިލްމްފެއަރ އެވޯޑެވެ. އެންމެ ފުރަތަމަ އޭނާއަށް މި އެވޯޑް ލިބިފައިވަނީ 2016ވަނަ އަހަރު ފިލްމް"އުޅްތާ ޕަންޖާބް" އިންނެވެ<