އެޗް އާރު މޯލްޑިވްސް އިން ކޮންމެ އަހަރަކުވެސް ހިއުމަން ރިސޯސެސްގެ ދާއިރާގައި މަސައްކަތްކުރަމުން އަންނަ ފަރާތްތަކަށް އަމާޒުކޮށްގެން ހިންގަމުން އަންނަ އެޗު އާރު ސަމިޓް އެންޑް އެކްސްޕޯގައި ބައިވެރިވުމަށް ރެޖިިސްޓްރޭޝަން ހުޅުވާލައިފިއެވެ.
އެޕްރިލް މަހުގެ 26 އަދި 27ގައި ބޭއްވުމަށް ހަމަޖެހިފައިވާ މި އެކްސްޕޯ އޮންނާނީ އައްޑޫ ސިޓީ، ގަމުގެ އީކުއޭޓަރ ވިލެޖްގައެވެ. އަދި މި އިވެންޓު ކުރިއަށް ގެންދިއުމަށް ހަމަޖެހިފައިވަނީ 3 ބަޔަކަށް ބަހާލައިގެންނެވެ. އެގޮތުން 27 ވަނަ ދުވަހު އޮންނާނީ ގުރޭޑު 10 އިން މަތީގެ ދަރިވަރުންނަށް އަމާޒުކޮށްގެން ބޭއްވޭ ކެރިއަރ ގައިޑެންސް ސެޝަނެކެވެ. އަދި ހަމަ އެދުވަހު އެޗު އާރުގެ ދާއިރާއިން އެންމެ ފާހަގަކޮށްލެވޭ 50 ފަރާތަކަށް އެވޯޑުދިނުންވެސް އޮންނާނެއެވެ. 28 ވަނަ ދުވަހު ޙާއްސަކުރެވޭނީ އެޗު އާރު ސަމިޓަށެވެ.
މި ސަމިޓުގައި ބައިވެރިވާން ބޭނުން ބޭފުޅުން ރެޖިސްޓަރވެވޭނެ އޮންލައިން ޕޯޓަލްގެ ލިންކު މިހާރު އެޗު އާރު މޯލްޑިވްސްގެ ފޭސްބުކް ޕޭޖުން ފެންނަން ހުންނާނެއެވެ.
"އެޗު އާރު އޮޓޮމޭޝަން: ދަ ފިއުޗަރ އޮފް ޕީޕަލް މެނޭޖްމެންޓް" ގެ ޝިޢާރުގެ ދަށުން ކުރިއަށްގެންދެވޭ މި ސަމިޓުގައި ރާއްޖެއާއި ރާއްޖެއިން ބޭރުގައި މަސައްކަތްކުރާ އެޗު އާރު ދާއިރާގެ ބޭފުޅުން ބައިވެރިވާނެއެވެ. އަދި ސަމިޓުގެ ތެރެއިން ދާއިރާއާއި ގުޅޭ ޕްރެސެންޓޭޝަން ދިނުމާއި، ޚިޔާލު ބަދަލުކުރުން ކުރިއަށްދާނެއެވެ.
މިއީ އެޗު އާރު މޯލްޑިވްސް އިން ރާވައިގެން ކުރިއަށްގެންދާ މިފަދަ ދެވަނަ ސަމިޓެވެ.