ވޯޓު ދިނުމުގެ ކުރިން ވިސްނާލުން މުހިއްމު ކަމަށް ރާއްޖޭގެ މަޝްހޫރު ދީނީ ޢިލްމުވެރިޔާ ޝެއިޚް އިލްޔާސް ޙުސައިން ވިދާޅުވެއްޖެއެވެ.
ވޯޓުލާ ދުވަސްވަރު ގާތްވަމުން އަންނަ މި ދަނޑިވަޅުގައި ޝެއިޚް އިލްޔާސް މިފަދައިން ވިދާޅުވީ އެ ބޭފުޅާ ކުރެއްވި ޓްވީޓެއްގައެވެ.
އެ ޓްވީޓްގައި ވިދާޅުވެފައިވަނީ ގިނަ ކަންތަކަކަށް ވޯޓުލުމުގެ ކުރިން ވިސްނާލަންޖެހޭ ކަމަށެވެ. އެހެން ނޫނީ ފަހުން ހިތާމަ ކުރަން ޖެހިދާނެ ކަމަށް ވެސް ޝެއިޚް ވިދާޅުވެފައިވެއެވެ.
Vot dhinumuge kurin visnalun muhimmu!
vot dhevey faraathakee: thedhuveri amaanaththeri farudu fas namadha rakkatheriva nazaahaththeri adhi dheenai gaumah vafatheriri baehthoa ballavaa!
enoonee fahun hithamakuranjehidhane
mifurusathu heyo gothugai beynun kurevvumah dhannavan— Ilyas Hussain (@shkilyas) March 25, 2019
"ވޯޓު ދިނުމުގެ ކުރިން ވިސްނާލުން މުހިއްމު! ވޯޓުދެވޭ ފަރާތަކީ:ތެދުވެރި އަމާނާތްތެރި، ފަރުޟު ފަސް ނަމާދަށް ރައްކާތެރިވާ ނަޒާހަތްތެރި އަދި ދީނާއި ގައުމަށް ވަފާތެރި ބައެއްތޯ ބައްލަވާ! އެނޫނީ ފަހުން ހިތާމަ ކުރަން ޖެހިދާނެ. މި ފުރުސަތު ހެޔޮގޮތުގައި ބޭނުން ކުރެއްވުމަށް ދަންނަވަން" ޝެއިޚް އިލްޔާސް ވިދާޅުވިއެވެ.
ވޯޓުލާ ދުވަސް ގާތްވަމުން އަންނަ ވަރަކަށް ކޮންމެ ކެންޑިޑޭޓަކު ވެސް ދަނީ އެއީ އެންމެ ގާބިލް އެންމެ އެކަށީގެންވާ ބޭފުޅާ ކަމަށް އެކި ގޮތްގޮތުން ރައްޔިތުންނަށް ސާބިތުކޮށްދެއްވުމަށް ކެނޑިނޭޅި މަސައްކަތް ކުރައްވަމުންނެވެ. އެހެން ނަމަވެސް ޝެއިޚް ވިދާޅުވި ފަދައިން ހަމައެކަނި ބަލަން ޖެހެނީކީ ދައްކާ ވާހަކައެއް ނޫނެވެ. ބަލަންޖެހޭ ވިސްނަންޖެހޭ ކަންތައް ވަރަށް ގިނައެވެ. އެއަށްފަހު ނިންމަވާށެވެ.