މަޖިލީހުގެ ގަވާއިދުގައި ވަޒީރުންނާއި ފަނޑިޔާރުން އަދި މިނިވަން މުއައްސަސާތަކުގެ މެމްބަރުންގެ އިތުބާރު ނެތްކަމުގެ ވޯޓު ނެގުމާ ގުޅޭ އުސޫލެއް ހިމެނުމަށް ސުޕްރީމް ކޯޓުގެ އިސްތިޝާރީ ލަފަޔަކަށް އެދުމުގެ ކުރިން މަޖިލީހުން ގަރާރެއް ފާސްކުރަން ޖެހޭނެ ކަމަށް އެކޯޓުން އަންގައިފިއެވެ.
އެކަމާ ގުޅޭގޮތުން ސުޕްރީމް ކޯޓުގެ އިސްތިޝާރީ ލަފަޔެއް ހޯދުމަށް އެދުމުން ކޯޓުން ޖަވާބުގައި ފޮނުވި ސިޓީގައި، ގާނޫނު އަސާސީގެ 95 ވަނަ މާއްދާއަށް ރިއާޔަތް ކޮށް، ގަރާރެއް ފާސްކުރުމަށް ފަހު ނޫނީ ލަފާ ހޯދުމަށް ނޭހޭނެ ކަމަށް ބުނެފައިވެއެވެ. ގާނޫނު އަސާސީގެ 95 ވަނަ މާއްދާގައި މަޖިލީހުން ގަރާރެއް ފާސްކުރުމަށް ފަހު އިސްތިޝާރީ ލަފަޔަށް އެދެވޭނެ ކަމަށް ބުނެފައިވެއެވެ.
ގާނޫނެއް މާނަ ކުރުމުގައި ސުޕްރީމް ކޯޓުގެ ލަފަޔަކަށް މަޖިލީހަށް އެދެވިދާނެއެވެ. ނަމަވެސް މިއަދު މަޖިލީހުގެ ގަވާއިދުގައި އުސޫލެއް ހިމެނުމަށް އިސްތިޝާރީ ލަފަޔަކަށް އެދުމުން އެމްޑީޕީ މެމްބަރުން ވަނީ އެއީ މަޖިލީހުގެ ހައިބަތާއި ގަދަރު ގެއްލޭ ކަމެއް ކަމަށް ބުނެ އެކަމާ ދެކޮޅަށް އަޑު އުފުލާފައެވެ.