މަޖްލިސް އިންތިހާބުގައި އެމްޑީޕީއަށް މެޖޯރިޓީ ލިބެން ޖެހޭ ކަމަށާއި އެކަމަށް މަސައްކަތް ކުރުމަށް އަމަލީ ގޮތުން ނިކުންނަން ޖެހުނީ ކޯލިޝަން ތެރެއިން ކެމްޕެއިން އެންމެ އެދެވޭ ގޮތަށް ކުރިއަށް ނުދާތީ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ފޭދޫ ދާއިރާއަށް އެެމްޑީޕީ ޓިކެޓުގައި ވާދަކުރައްވާ މުހައްމަދު ނިހާދުގެ ކެމްޕެއިން ހަރަކާތުގައި ބައިވެރިވެވަޑައިގަތުމަށް މިއަދު ހަވީރު އެމަނިކުފާން އައްޑޫއަށް ކުރެއްވި ކުރު ދަތުރުފުޅުގައި ފޭދޫ ދަނޑުގައި ބޭއްވި ފުޓްބޯޅަ މެޗަށްފަހު ވާހަކަފުޅު ދައްކަވަމުން ރައީސް ވިދާޅުވީ ސަރުކާރު ހިންގުމަށް ފަހި ކުރުމަށް އެމްޑީޕީއަށް މަޖްލިސް މެޖޯރިޓީ ބޭނުން ކަމަށެވެ. އަދި މިކަން ހާސިލް ކުރުމަށް މަސައްކަތް ކުރުމަށް އެމްޑީޕީ ސަޕޯޓަރުން ކިބައިން ރައީސް އެދިވަޑައިގަތެވެ.
Raees @ibusolih S.Feydhoo Dhaaira ge MDP Candidate @nihad_m ge #Agenda19 Campaign ah Addu City ge Feydhoo ah vadaigen 1970 1972 ge Champion "Veterans" aa Zuvaanunge Football match ge therein.#Agenda19 #Majlis19Thilafathah pic.twitter.com/oVbvm7XlVs
— MDP Secretariat (@MDPSecretariat) March 27, 2019
ރައީސް ވިދާޅުވީ މަޖްލިސް ތެރެއިން މިހާރުވެސް ފެންނަނީ ކަންކަން ހުއްޓިފައިވާ މަންޒަރު ކަމަށެވެ. އެހެންވެ ރައްޔިތުން ބޭނުންވާ ކަންކަން ފުރިހަމަ ކުރުމަށް ގޮން ޖެހުންހުރިކަން ރައީސް ފާހަގަ ކުރެއްވިއެވެ.
"…..އެހެންވީމާ ގާނޫނީ ބާރު ލިބިގެން ނޫނީވިއްޔާ އަޅުގަނޑުމެން މިއެދޭ ބަދަލު ގެނެވި ރާއްޖެ އަށް ބޭނުންވާ ހެޔޮ ބަދަލުތަކެއް ނުގެނެވޭނެ. ކަންތައްތައް މި ދަނީ އަޅުގަނޑުމެން އެންމެ ބޭނުންވި ގޮތަކަށް ނޫން، އަޅުގަނަޑުމެން ބޭނުންވި ގޮތަކަށް ކަންތައްތައް ކުރެވޭކަށް ނެތް. ސަރުކާރަށް މެޖޯރިޓީ އޮތް މަޖިލީހަކަށް ވިޔަސް އެގޮތަށް މަސައްކަތެއް ކުރާ ތަނެއް ނުފެނޭ، ކައްތައްތައް ހުރީ ހުއްޓުމަކަށް އައިސްފައި. މަޖިލީހުގެ ތެރެއިން
" ރައީސް ވިދާޅުވި އެވެ.
ރައީސް ވިދާޅުވީ ކަން މިހެން ހުރުމުން އެމްޑީޕީ އަށް މެޖޯރިޓީ ހޯދައި ދޭން އެ މަނިކުފާނަށް އަމަލީ ގޮތުން ކެމްޕޭނަށް ނުކުމެވަޑައިގަންނަވަން ޖެހިވަޑައިގަތީ އެވެ.
"އަޅުގަނޑަށް މި ކެމްޕޭނުގައި ނުކުމެ އަމަލީ ގޮތުން މަސައްކަތް ކުރެޖެނުހު ހިސާބަކީ ވެސް މިއީ. އަޅުގަނޑަކަށް ނުނެފުނު ރާއްޖޭގެ މަޖިލީހުގެ އިންތިހާބު ކުރިއަށް ދަނީ ރަނގަޅު ހިސާބެއްގައެއްކަން. އަޅުގަނޑުމެން ބޭނުންވި ކަހަލަ މަޖިލީހެއް ނުލިބި މަސައްކަތެއް ނުކުރެވޭނެ، އެހެންވެ އަޅުގަނޑު އަމަލީ ގޮތުން ބައިވެރިވެ އަޅުގަނޑުމެން މި ބޭނުންވާ ބަދަލުތަކަށް ތާއީދު ކުރާ އެމްޑީޕީގެ ކެންޑިޑޭޓުން ހޮވަން މަސައްކަތް ކުރަން ޖެހުނީ" ރައީސް ވިދާޅުވި އެވެ."
ސަރުކާރުން ގިނަ ވައުދުތަކެއް ވެފައިވާ އިރު އެކަންކަން ފުއްދުމަށް މަޖްލިސްގެ ތާއިދު ބޭނުންކަމަށް ރައީސް ވިދާޅުވިއެވެ. އަދި އެކަން ހާސިލް ކުރެވޭނީ ސަރުކާރުގެ ވިސްނުން ހުރި މެމްބަރުން މަޖްލިސްއަށް ހޮވައިގެންކަމަށެވެ.
މަޖްލިސް ކެމްޕެއިނަށް ރައީސް އައްޑޫއަށް ވަޑައިގެންނެވި މިއީ ދެވަނަ ފަހަރުއެވެ. މީގެ ކުރިން ރައީސް އައްޑޫއަށް ކުރެއްވި ދަތުރުފުޅުގައި ފޭދޫ ނިހާދު ކެމްޕެއިން ޓީމުން އިންތިޒާމް ކުރި ފޭދޫ ތަރިންގެ ފުޓްބޯޅަ މެޗަށް ރައީސަށް ވަޑައިގެންނެވޭނޭ ގޮތް ނުވިއެވެ. އެހެންވެ އަލުން މިއަދު އެމެޗް ބައްލަވާ ލެއްވުމަށާއި ނިހާދުގެ ސަޕޯޓަރުންނާއި ފޭދޫގެ ރައްޔިތުންނާއި ބައްދަލު ކުރެއްވުމަށް އިތުރު ދަތުރުފުޅެއް ކުރެއްވީއެވެ. ރައީސް މިހާރުު ވަނީ އައްޑޫން ފުރާ ވަޑައިގެންފައެވެ.