"ހިންދީ މީޑިއަމް"ގެ ދެވަނަ ފިލްމަށް ކަރީނާ ކަޕޫރު ޚާން ސޮއިކޮށްފިއެވެ.
މި ފިލްމުގައި ކަރީނާއާއެކު ފެނިގެންދާނެ ފިރިހެން ތަރިއަކީ އިރުފާން ޚާންއެވެެ. މި ފިލްމުގެ ފުރަތަމަ އިންސްޓޯލްމަންޓްގައި ވެސް އިރުފާން ޚާން މަސައްކަތް ކޮށްފައިވެއެވެ. އެ ފިލްމުގެ އަންހެން ތަރިއެއްގެ ބައި އަދާކޮށްފައިވަނީ ސަބާ ގަމަރުއެވެ. މި ފިލްމަކީ ބެލުންތެރިންގެ ސަޕޯޓްހޯދާ ބޮކްސްއޮފީހުގައި ވެސް ކާމިޔާބު ހޯދާފައިވާ ފިލްމެކެވެ.
ރިޕޯޓްތައް ބުނާގޮތުގައި ކަރަން ޖޯހަރުގެ ފިލްމް"ތަޚްތް"ގެ ކުރިން މި ފިލްމުގެ ޝޫޓިން ލަންޑަންގައި ފެށުމަށް ވަނީ ހަމަޖެހިފައެވެ. ކަރީނާގެ މިވަގުތުގެ މަސައްކަތަށް ބަލާއިރު އޭނާ ދަނީ އަކްޝޭ ކުމާރުއާއިއެކު ފިލްމް"ގުޑް ނިއުސް" ގެ މަސައްކަތުގައި ހަރަކާތްތެރިވަމުންނެވެ.
އަދި ކެންސަރުގެ ފަރުވާއަށްފަހު ރަނގަޅުވުމުން ފިލްމުގެ މަސައްކަތް ފެށުމަށް އިރުފާންވަނީ ނިންމާފައެވެ.
މި ފިލްމަށް ދީފައިވާ ނަމަކީ" އިނގްލިޝް މީޑިއަމް" އެވެ. ފިލްމަށް ބަލާއިރު، މި ފިލްމުގައި ފެނިގެންދާނީ އިރުފާން ޚާންގެ ދަރިފުޅު އެމެރިކާއަށް ކިޔަވަން ގޮސްގެން އުޅޭއިރު ކަންތައްވާ ގޮތްކަމަށް ރިޕޯޓްތައް ބުނެއެވެ. ފުރަތަމަ ފިލްމެކޭ އެއްގޮތަށް މި ފިލްމަކީ ވެސް ކާމިޔާބު ފިލްމަކަށް ވާނެކަމަށް ގިނަފަރާތްތަކުން ބުނެއެވެ.