ދީނަށް ފުރައްސާރަ ނުކުރާ ހެޔޮ ރަނގަޅު މީހުން ހޮއްވެވުމަށް ރާއްޖޭގެ މަޝްހޫރު ދީނީ އިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް ޒައިދު މި ފަދައިން ވިދާޅުވެފައި މިވަނީ ވޯޓުލުމަށް 2 ދުވަހަށް ވެފައިވަނިކޮށް މިއަދު ކުރެއްވި ޓްވީޓެއްގައެވެ.
https://twitter.com/alizaid1000/status/1113312281079668739
"ހެޔޮ ރަނގަޅު މީހުން ހޮއްވަވާ! ދީނަށް ފުރައްސާރަކުރާ މީހުންނަށް ތަބާނުވެ، ވައްކަން ނުކުރާނެ، ހިޔާނާތްތެރި ނުވާނެ މީހުން ހޮއްވަވާ! ނަމާދުކުރާ، ﷲއަށް ބިރުވެތިވާ، ދީނާއި ޚިލާފު ނުވާނެ މީހުން އެންމެ ރަނގަޅީ. ރަނގަޅަށް ވިސްނަވާ!" ޝެއިޚް ޒައިދު ވިދާޅުވިއެވެ.
މަޖިލިސް އިންތިޚާބު ގާތްވެފައިވާއިރު ފަށްފަށުން ދީނީ އިލްމުވެރިން ދަނީ ރައްޔިތުން ތަމްސީލުކުރުމަށް ހޮއްވަވާ ފަރާތްތަކަކީ ކަމަށް އެންމެ ގާބިލް ފަރާތްތަކެއް ކަމުގައި ހެއްދެވުމަށް ކެނޑިނޭޅި އިލްތިމާސް ކުރައްވަމުންނެވެ.