ރޭ ފަތިހު އައްޑޫ ސިޓީ ފޭދޫގައި ހުރި ގެއެއްގެ ތެރެއިން ސައިކަލެއް ބޭރަށް ނެރުމަށް ފަހު ރޯކޮށް، އަންދާލައިފިއެވެ.
ފުލުހުން މައުލޫމާތުދީފައިވާ ގޮތުގައި މިހާދިސާގެ ރިޕޯޓު ލިބިފައިވަނީ ރޭ ފަތިހު 4:50 އެހާކަށްހާއިރެވެ. މިސައިކަލުގައި ރޯކޮށްފައިވަނީ ފޭދޫ ބޯޅަދަނޑު ސަރަހައްދުގައި ހުރި ގެއެއްގެ ތެރެއިން ސައިކަލު ނެރެ، މަގުމަތީގައެވެ.
މިހާދިސާގައި ސައިކަލު ވަނީ ބޭނުން ނުކުރެވޭ ވަރަށް ރޯކޮށް އަންދާލާފައެވެ. މި މައްސަލަ މިހާރު ފުލުހުން ދަނީ އިތުރަށް ތަހުގީގު ކުރަމުންނެވެ.