ހެންވޭރު އުތުރު ދާއިރާއަށް ޖޭޕީ ޓިކެޓުގައި ވާދަކުރެއްވި ކުރީގެ މެމްބަރު އަލްހާން ފަހުމީގެ މައްޗަށް ކުރި ހޯދައި އެމްޑީޕީގެ ކެންޑިޑޭޓް އިބްރާހިމް މުއިއްޒު ގޮނޑި ކާމިޔާބުކޮށްފިއެވެ.
މިދާއިރާގައި އަލްހާން ފޯރިގަދަ އަދި ވާދަވެރި ކެމްޕޭނެއް ކޮށްފައިވާއިރު މުއިއްޒު ވަނީ 800 އަށް ވުރެ ގިނަ ވޯޓު ހޯއްދަވާފައެވެ. އަލްހާނަށް ލިބިވަޑައިގެންފައިވަނީ 687 ވޯޓެވެ.
އަލްހާން ވަނީ މުއިއްޒު މި ގޮނޑި ކާމިޔާބު ކުރެއްވުމާއެކު އޭނާއަށާއި އެމްޑީޕީއަށް މަރުހަބާ ދަންނަވައި ޓުވީޓެއް ކުރައްވާފައެވެ. ވަގުތީ ނަތީޖާ ދައްކާ ގޮތުން އެމްޑީޕީ ކެންޑިޑޭޓުން ވަނީ ބޮޑު އަޣުލަބިއްޔަތެއް ނަގާފައެވެ.