ހޫނު ގަދަވެ، އަނބުރައިގަތުމުގެ ސަބަބުން މަގުމައްޗަށް ވެއްޓުނު އަންހެނަކަށް ފުލުހުން އެހީތެރިކަން ފޯރުކޮށްދީފިއެވެ.
މިކަން ހިނގާފައިވަނީ މިއަދު 11:10 ހާއިރު މަޖީދީމަގު ފަތަހަ ސުންބުލި ކައިރިންނެވެ.
އެ އަންހެންމީހާ ވެއްޓުމުން އާއްމުންނާއި ފުލުހުން ވަނީ އެހީތެރިކަން ފޯރުކޮށްދިނުމުގެ ގޮތުން ޓެކްސީ އެއް ހުއްޓުވައި އެ އަންހެންމީހާއާއެކު އަންހެން ފުލުހަކު ވަނީ ހޮސްޕިޓަލަށް ހޮސްޕިޓަލަށް ގޮސްފައެވެ.
ހޫނު ގަދަވުމުގެ ސަބަބުން ނުރައްކާ އެންމެ ބޮޑީ ކުޑަކުދިންނާއި އުމުރުން ދުވަސްވީ މީހުންނާއި މާބަނޑު މީހުންނާއި ދާއިމީ ބައްޔަށް ފަރުވާކުރާ މީހުންނަށް ކަމަށާއި އެހެންކަމުން އެމީހުން ހޫނުން ރައްކާތެރިވުމަށް ހާއްސަ ފިޔަވަޅުވަޅުތައް އެޅުމަށް ވަނީ އިލްތިމާސްކޮށްފައެވެ.
އަދި އަވިން ސަލާމަތް ވުމަށް ކުޑަފަދަ ތަކެތި ބޭނުން ކުރުމަށާއި، އިރުގެ ދޯދިން ލިބޭ ގެއްލުމުން ލޯ ސަލާމަތް ކުރުމަށް ޔޫވީ ރޭޑިއޭޝަން ފިލްޓަރ ކޮށްދޭ އަވިއައިނު ބޭނުންކުރުމަށްވެސް އެޗްޕީއޭ އިން ވަނީ އިރުޝާދު ދީފައެވެ.