ވެރިކަމުގެ ނިޒާމް ބަދަލުކުރުމުގެ ފުރުސަތު އެމްޑީޕީއަކަށް ނޯންނާނެ ކަމަށާއި ރައްޔިތުންގެ ވޯޓަކުން ނޫނީ އެކަން ވިޔަ ނުދޭނެ ކަމަށް އަލްހާން ފަހުމީ ވިދާޅުވެއްޖެއެވެ.
އަލްހާން މިހެން ވިދާޅުވެފައިވަނީ ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަށް ބަދަލުވާން ޖެހޭ ކަމަށާއި އެކަމަކު އޭގެ ކުރިން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ރައްޔިތުންނަށް ކޮށްދެއްވަން ބޭނުންފުޅުވާ ކަންކަން ކުރެއްވުމަށް އެމަނިކުފާނަށް ވަގުތު ދެއްވަންޖެހޭކަމަށް ކުރީގެ ރައީސް މުހައްމަދު ނަޝީދު ވިދާޅުވެފައިވަނިކޮށް އެކަމާއި ގުޅުވައިގެން ކަމަށް ލަފާކުރެވޭ ގޮތަށް ކުރެއްވި ޓްވީޓެއްގައެވެ.
Verikamuge Nizaamu Badhalukurumuge Furusathu @MDPSecretariat akah Noaannane.
Majlis Majority MDP Ah Libunee Jumla Dhivehi Rayyithunge Majority Thaaeedhakun Noon.
Rayyithunge Votakun Noongothakah Ekan Viyaka Nudheynan!— 𝗔𝗹𝗵𝗮𝗻 𝗙𝗮𝗵𝗺𝘆 – 𝗔𝗙 (@AlhanFahmy) April 9, 2019
"ވެރިކަމުގެ ނިޒާމް ބަދަލުކުރުމުގެ ފުރުސަތު އެމްޑީޕީ ސެކްރެޓޭރިއެޓްއަކަށް ނޯންނާނެ. މަޖިލިސް މެޖޯރިޓީ އެމްޑީޕީއަށް ލިބުނީ ޖުމްލަ ދިވެހި ރައްޔިތުންގެ މެޖޯރިޓީ ތާއީދަކުން ނޫން. ރައްޔިތުންގެ ވޯޓަކުން ނޫންގޮތަކަށް އެކަން ވިޔަކަ ނުދޭނަން." އަލްހާން ވިދާޅުވިއެވެ.
އަލްހާން ވަނީ ބަރުލަމާނީ ނިޒާމަކަށް ބަދަލުކޮށް މަޖިލިސް މެމްބަރު ކަމަށް ހޮވިވަޑައިގެންފައިވާ ކުރީގެ ރައީސް މުހައްމަދު ނަޝީދު ބޮޑުވަޒީރުކަމަށް ގެންނަން ފެނޭތޯ ޕޯލްއެއްވެސް ހުޅުވާލާފައެވެ. މިހާތަނަށް 900 އަށްވުރެ ގިނަ މީހުން އެއަށް ވޯޓުދީފައިވާ އިރު 56 ޕަސެންޓް މީހުންވަނީ އެއަށް އާނއެކޭ ބުނެ ވޯޓުދީފައެވެ.
Barulamaanee Nizaamakah Badhalukoh, MP-elect @MohamedNasheed Boduvazeerukamah Gennan Feneytho?
— 𝗔𝗹𝗵𝗮𝗻 𝗙𝗮𝗵𝗺𝘆 – 𝗔𝗙 (@AlhanFahmy) April 9, 2019