ޕީޕީއެމް އޮތީ ހައިޖެކް ކޮށްފައިކަމަށް މަޑުއްވަރީ ދާއިރާގެ ރައްޔިތުންގެ މަޖިލީހުގެ ގޮނޑި މިވަގުތު ފުރުއްވަމުން ގެންދަވާ މަޖިލިސް މެމްބަރު މުހައްމަދު އަމީތު ވިދާޅުވެއްޖެއެވެ.
އަމީތު މިހެން ވިދާޅުވެފައިވަނީ އެބޭފުޅާ ކުރެއްވި ޓްވީޓެއްގައެވެ.
#PPM othee hijack koffa. Idhikolhu party ehge gothuga ves, ekkolhu party ehgge gothuga ves #PPM ah masakkayy kureveynee e'party minivan ve, e'party ge aslu veringe belumuge dhashah party genevunu dhuvahakun.
— Mohamed Ameeth (@MohamedAmeeth) April 11, 2019
"ޕީޕީއެމް އޮތީ ހައިޖެކް ކޮށްފައި. އިދިކޮޅު ޕާޓީއެއްގެ ގޮތުގައިވެސް، އެއްކޮޅު ޕާޓީއެއްގެ ގޮތުގައި ވެސް ޕީޕީއެމްއަށް މަސައްކަތް ކުރެވޭނީ އެ ޕާޓީ މިނިވަންވެ، އެ ޕާޓީގެ އަސްލު ވެރިންގެ ބެލުމުގެ ދަށަށް ޕާޓީ ގެނެވުނު ދުވަހަކުން." އަމީތު ވިދާޅުވިއެވެ.
އެމްއާރްއެމްގެ ފަރާތުން މަޖިލިސް އިންތިހާބުގައި ވާދަކުރެއްވި ކެންޑިޑޭޓުންނާއެކު ބައްދަލު ކުރައްވަން ބޭއްވި ބައްދަލުވުމެއްގައި ކުރީގެ ރައީސް މައުމޫން އަބްދުލްޤައްޔޫމް ވަނީ ވޭތުވެދިޔަ ރިޔާސީ އިންތިޚާބުގައި ރައީސް އިބްރާހީމް މުހައްމަދު ސޯލިހް ވަނީ ޕީޕީއެމް އަނބުރާ އެބޭފުޅުންނަށް ދެއްވަން ވަޢުދުވެވަޑައިގެންފައި ކަމަށާއި އަދި އެ ވަޢުދު ނުފުއްދަވާ ކަމަށް ވިދާޅުވެފައެވެ. އަދި ވަރަށް އަވަހަށް އެ ވަޢުދު ފުއްދަވާނެ ކަމަށް އުއްމީދު ކުރައްވާ ކަމަށް ވެސް މައުމޫން ވަނީ ވިދާޅުވެފައެވެ.